影片
更多
2016-08-15
273 瀏覽
等咗成個月都仲審批中，但其他人較後期嘅又反而刊登咗，唯有寫多次😑四季文昌 一心諗住等埋啲「老」友先一齊試新野，點知最終二人行！兩個女仔都點得多，埋單都差唔多$1000🙈點咗半隻原味椰子雞，啲小食，特色飲品同煲仔飯，首先要多謝同行友人陪我咁瘋癲點咁多野食😅重頭戲～椰子雞（$128）：第一次食，唔太識欣賞；個湯底係椰肉同椰青水（我問個店員嘅）聞落好重椰子味但食落就淡，但都清甜嘅，而食佢地嘅椰子雞有特別食法就係有個漏斗計時，不過你要自己發現，作為特色食品，啲店員係唔會主動同你說明，有問題？自己睇，唔明再問！日本直送野菜籃（$49）雙拼頁丸鮮魚丸（48）冰鎮山葵（$48）炸響鈴（$25）台灣鮮腐竹（$28），普普通通，無特別，價錢有啲偏貴。馬來串燒椰漿飯（$88）比我想像中差，串燒都幾多串，6串？醬汁惹味，但有幾舊類似啲壽司但食咗上面個層涵嘅飯團係碟邊，原來個幾舊就係椰漿飯😢可能我對個串燒椰漿飯認知有唔同。輪到第二重頭戲，野飲：平時man開嘅我點咗杯Cinderella（$48），有薑汁橙汁波蘿汁伏特加紅石榴糖水，我剩係飲到橙汁波蘿汁，算啦$48；到杯Rainbow($120)點解咁貴呢？個店
四季文昌
一心諗住等埋啲「老」友先一齊試新野，點知最終二人行！
兩個女仔都點得多，埋單都差唔多$1000🙈點咗半隻原味椰子雞，啲小食，特色飲品同煲仔飯，首先要多謝同行友人陪我咁瘋癲點咁多野食😅
重頭戲～椰子雞（$128）：第一次食，唔太識欣賞；個湯底係椰肉同椰青水（我問個店員嘅）聞落好重椰子味但食落就淡，但都清甜嘅，而食佢地嘅椰子雞有特別食法就係有個漏斗計時，不過你要自己發現，作為特色食品，啲店員係唔會主動同你說明，有問題？自己睇，唔明再問！
日本直送野菜籃（$49）雙拼頁丸鮮魚丸（48）冰鎮山葵（$48）炸響鈴（$25）台灣鮮腐竹（$28），普普通通，無特別，價錢有啲偏貴。
馬來串燒椰漿飯（$88）比我想像中差，串燒都幾多串，6串？醬汁惹味，但有幾舊類似啲壽司但食咗上面個層涵嘅飯團係碟邊，原來個幾舊就係椰漿飯😢可能我對個串燒椰漿飯認知有唔同。
輪到第二重頭戲，野飲：平時man開嘅我點咗杯Cinderella（$48），有薑汁橙汁波蘿汁伏特加紅石榴糖水，我剩係飲到橙汁波蘿汁，算啦$48；到杯Rainbow($120)點解咁貴呢？個店員搭唔到反而係後尾友人老公解釋到，一杯成功嘅Rainbow係有7種顏色，好似彩虹咁，杯野貴在技巧，你地自己睇，依杯有幾多啦！
最後壓軸～黑松露龍蝦煲仔飯（$238）嘩，個煲真係好大煲，隻龍蝦都唔細隻，而你都會見到幾多黑松露，但味道就蝦還蝦，飲還飯，龍蝦鮮甜，飯就混咁啲芋頭落去焗，可惜飯又硬又乾，啲芋頭都未熟？（因為仲好硬）而啲黑松露係依個煲仔飯起唔到啲咩用處。。
整體：係旺角區，價錢係算偏貴啲啲啦，但餐廳佔地全層，裝潢具有特色，中外合壁，好衝突😂坐位都算闊落，坐得舒服，但可以的話就唔好坐卡位。我就坐咗卡位，後面嘅食客成晚好興奮，搞到我覺得自己坐咗電影院啲震動坐位😑
服務/店員知識方面就認真麻麻，欠缺主動，知識短缺，有個話問問等陣覆但不了了之。
綜合以上，係旺角區環境唔錯，重點無時間限制咁食野，係就係食物麻麻，店員更麻麻，但我覺得不妨試試嘅。
19 瀏覽
0 讚好
0 留言
張貼
