民華餐廳

營業中

休息中

黎得民華食 lunch，就係想食佢個常餐啦。但係成日叫蕃茄湯厭厭地，今日就試試佢個沙爹牛肉麵係點樣嘅。沙爹牛肉麵同其他茶餐廳類似，但沙爹醬如果再多d或者濃d可能會更加好食。不過配埋佢個炒滑蛋，清清地都幾舒服。如果食開重口味嘅，都係叫番蕃茄湯會穩陣d。另外口痕想試下佢個西多士，今次記得叫落煉奶唔要糖漿，原來係出奇地夾！個感覺好似食緊奶油多但係奶油在外面，多士在入面咁樣。幾特別！下次再黎要encore呢樣！