影片
更多
2011-09-03
342 瀏覽
為慶祝我地既紀念日，仲係可以正日慶祝添!! 特登上呢到搵下有咩自助餐岩食!!對於我黎講，食自助餐既重點係甜品，但對於老公黎講，就係生蠔，長腳蟹呢類海鮮!!所以要搵到間兩者兼備而我地未試過既自助餐真係好難呢!!見openrice有八折coupon，同塊睇到啲人對生蠔既comment都不錯，好啦!就選擇呢間啦!!其實係book唔到另一間先至揀佢…去到酒店，個lobby都几靚喎!! 搭上去，都唔難搵丫!!到左就有人帶位，佢有圓枱，有卡位，啲圓枱通常係畀兩個人既，几好几好，又可以擺袋，張枱又可以擺多啲野食!!可能我早一個星期book啦，我地都坐得好近。好彩係咁咋，因為佢啲野食就係擺係一出，入去個個長方形area，然後啲枱就一路咁排落去，如果坐係入面個啲，真係不太好…好，啲野食真係行個圈就睇哂!! 唔係好多選擇。主要有…海鮮類(生蠔，長腳蟹，龍蝦仔，海蝦，青口)生蠔几好味!! 佢真係refill得好快!! 我同老公都食左好多!!長腳蟹就麻麻喇，老公仲話霉霉地添!其餘都係一般!沙律吧都有几多配菜，呢樣我地都唔太好，覺得可有可無啦!壽司，刺身刺身我地試左三文魚，吞拿魚，八爪魚，希靈魚!(好似都係
為慶祝我地既紀念日，仲係可以正日慶祝添!! 特登上呢到搵下有咩自助餐岩食!!
對於我黎講，食自助餐既重點係甜品，但對於老公黎講，就係生蠔，長腳蟹呢類海鮮!!
所以要搵到間兩者兼備而我地未試過既自助餐真係好難呢!!
見openrice有八折coupon，同塊睇到啲人對生蠔既comment都不錯，好啦!就選擇呢間啦!!
其實係book唔到另一間先至揀佢…
去到酒店，個lobby都几靚喎!! 搭上去，都唔難搵丫!!
到左就有人帶位，佢有圓枱，有卡位，啲圓枱通常係畀兩個人既，几好几好，又可以擺袋，張枱又可以擺多啲野食!!
可能我早一個星期book啦，我地都坐得好近。好彩係咁咋，因為佢啲野食就係擺係一出，入去個個長方形area，然後啲枱就一路咁排落去，如果坐係入面個啲，真係不太好…
好，啲野食真係行個圈就睇哂!! 唔係好多選擇。主要有…海鮮類(生蠔，長腳蟹，龍蝦仔，海蝦，青口)
生蠔几好味!! 佢真係refill得好快!! 我同老公都食左好多!!
長腳蟹就麻麻喇，老公仲話霉霉地添!其餘都係一般!
沙律吧
都有几多配菜，呢樣我地都唔太好，覺得可有可無啦!
壽司，刺身刺身我地試左三文魚，吞拿魚，八爪魚，希靈魚!(好似都係得四，五款)
個師傅真係厚切架，三文魚好好味!!! 睇人話希靈魚同出面食既唔同，咁我都試下啦，查實都好似未試過…好san呢…唔知咁係咪就係好味…但我就唔識欣賞喇…反而吞拿魚就麻麻喇…壽司我都無食，都係普通的，唔太吸引。
熱食
我記得有…燒春雞，栗米，燒牛排，羊排，串燒，几種咖喱，燒味，醉雞，素鴨，pizza，自選意粉(定係烏冬呢?…)，青口，兩款湯…
我地覺得好味既有羊排，燒春雞。隻雞仲要係半隻的。
之前好多人都推介既有機麵包，我覺得…無乜特別…到我最愛既甜品喇，除左雪糕同曲奇…其餘既，無論係賣相同味道都唔係好吸引。
曲奇超級鬆化!!! 雪糕有啲特別口味，最可惜試唔哂全部…
最後仲有一杯餐飲添，我地要左綠茶同熱檸茶。消下滯嘛!!埋單折左差唔多$780，以呢個價錢我覺得還可以接受既，但係試過一次就算，無乜特別野吸引到再次幫襯。
P.S.見到個壽司師傅原來身兼數職架!! 呢頭切完魚生畀人，轉個頭又走過去另一邊切燒牛排。(因為佢兩個檔仔就係隔離，個師傅見到邊度有人等就走過去。)我地都係第一次見到咁，不過佢都好衛生，會戴返手套先切魚生嘅!!
仲有啲職員識得你地行開左，用條繩扣住你個袋同張櫈，好貼心呢~~
張貼
