影片
更多
2017-07-30
436 瀏覽
最鍾意喺Restaurant Week 試下啲新餐廳, 不時都會有啲good find。今次就去咗呢一間灣仔開嘅新餐廳 ，屬於 Restaurant Week $198 lunch嘅類別 ，係semi buffet形式 。前菜·麵包· 甜品，可以任食( 當然量力而為啦), 有個drink station 可以添飲紅茶·檸檬茶·汽水等等 。主菜就有一客，有得揀加拿大 roasted 西冷牛扒，紅蝦risotto or 焗 barramundi。講真個semi buffet ，就有啲乏善足陳。都有藍青口(不過係冇味嘅)，煙三文魚，同埋啲 cold cut salami etc. 仲有醉雞翼同埋日式嗰啲橙色業醃八爪魚仔螺仔(有啲九唔搭八 )。不過，都唔算難食啦。我本身就唔係好鍾意食甜品 ，不過試咗個apple crumble ，都算ok，唔算太甜，而且都有陣陣cinnamon 味。值得一讚就係個牛扒，雖然話係roasted，但係其實似grilled多啲, 仲要係char-grilled 嗰隻。 厚薄度適中 ，而且切出嚟嗰part 脂肪分明， grill完之後( 係睇住佢grill, 因為係o
今次就去咗呢一間灣仔開嘅新餐廳 ，屬於 Restaurant Week $198 lunch嘅類別 ，係semi buffet形式 。前菜·麵包· 甜品，可以任食( 當然量力而為啦), 有個drink station 可以添飲紅茶·檸檬茶·汽水等等 。主菜就有一客，有得揀加拿大 roasted 西冷牛扒，紅蝦risotto or 焗 barramundi。
講真個semi buffet ，就有啲乏善足陳。都有藍青口(不過係冇味嘅)，煙三文魚，同埋啲 cold cut salami etc. 仲有醉雞翼同埋日式嗰啲橙色業醃八爪魚仔螺仔(有啲九唔搭八 )。不過，都唔算難食啦。我本身就唔係好鍾意食甜品 ，不過試咗個apple crumble ，都算ok，唔算太甜，而且都有陣陣cinnamon 味。
值得一讚就係個牛扒，雖然話係roasted，但係其實似grilled多啲, 仲要係char-grilled 嗰隻。 厚薄度適中 ，而且切出嚟嗰part 脂肪分明， grill完之後( 係睇住佢grill, 因為係open kitchen,但係餐廳一啲油煙味都冇,通風唔錯 )油香味出曬嚟， 而且肉味濃郁, 火喉都拿捏得好好，因為啲肉仍然都係 medium rare 嘅程度，一啲都唔老。 雖然就話6安士，但係食起上嚟，我同埋同我食嘢嘅朋友都覺得似8安士多啲。 就係呢樣主菜，挽回返呢一餐嘅性價比。
餐廳環境都算幾好, 夠乾淨企理。唯獨係兩個冷氣機開得好凍，不斷咁吹，勝在侍應都好responsive，請佢閂細啲個冷氣佢都即刻照做。
總結呢間叫做 Carlo Riva Grill and Lounge, 佢個grill 就真係值得一試喇，其他食物仲有改善空間。
張貼
