緣味小聚 (93WYS)

營業中

休息中

第五波疫情翻天覆地！社交距離措施放寬前一日，約老友去呢度食午餐。店鋪好細…枱吾多，二人限聚下，兩個人可以坐一張四人卡位，卡位腳下好窄，出入都幾論盡。原先以為海鮮盆之外是自助取點心，原來係落點心紙，罐裝飲品和啤酒是自助的。侍應生建議食完蒸海鮮至落單食點心；入座半小時，先來咸雞和麻辣青瓜木耳做小食，無甚驚喜。然後海鮮盆上桌，開邊龍蝦仍然生猛！侍應生幫忙蒸熟再分碟，服務殷勤有禮。龍蝦肉厚有膏，鮮甜彈牙！加返分！肉蟹具類亦鮮甜，但任食的牛肉就麻麻…好鞋吓。點心選擇不多，試了三款流沙飽，“小心流沙飽”最好味。粥底蒸了海鮮打過邊爐，小心隔咗上面果層渣，試了少少粥水，有濃濃的芋香和龍蝦香！三個鐘，埋單每人$300，一試無妨。