深宵食堂 (已結業)

終於考完試，當然要去輕下！食餐好啦！食宵夜當然要試下呢間啦！平時好難等位家！我地今次咁夜，好快就有位可以食啦！推介食品，當然要一試啦！芝士蟹肉玉子燒，有招牌名，仲唔係招牌菜，玉子中間有濃濃既芝士，好多蟹肉，二者唔會蓋過大家既味道！芝士即唔會太溜！煙肉荔枝卷，呢個膽粗粗試下！熱菠蘿食我多，荔枝直係第一次！食落有驚喜，荔枝中和返煙肉既咸，表面有少少脆，唔會太多油脂！豚肉露筍卷，表面燒到香脆，有甜甜既蜜糖，露筍仲保留脆口！燒川式茄子，送黎時已經好香，滿滿既蒜，七味粉！燒到岩岩好，水份剛剛好，唔會太淋！讚！最後當然唔少得飲品啦，巨蜂提子梳打，唔太好！好有提子味，配搭岩岩好，考完試食一餐好既太完滿啦！