太陽蕃茄拉麵 (已結業)

平時行經呢間野都冇乜人等位，自己一個又唔知食乜好，今次就等我試吓先 ～喺門口睇左陣餐牌，有位阿姐出嚟介紹，見佢咁熱情，我就入去試吓啦 ～餐牌上太多選擇，除咗有蕃茄湯底之外，仲有豬骨湯底，既然呢間野叫太陽番茄拉麵，我就試個番茄拉麵我叫左一個太陽炙燒叉燒拉麵，炸雞軟骨，一杯巨峰可必思太陽炙燒叉燒拉麵蕃茄湯底好濃郁，淡淡蕃茄肉，加上淡淡蒜香，齋飲湯都好好味，唔太鹹，第一啖食落去嘅拉麵比較硬，番茄湯掛唔到係拉麵上，但d拉麵越食越好味，因為d拉麵開始比啲湯浸軟 炸雞軟骨好普通嘅炸雞軟骨，但將佢浸落去番茄湯入邊，別有一番風味，唔會太熱氣，正巨峰可必思好普通我會再返去食蕃茄拉麵