華輝小食 (已搬遷) 新店位置

今日見冇陽光有冇落雨天氣幾啱踩單車，就去咗大圍租單車踩。踩完一日好攰林返屋企前見到呢間小食店有寫住招牌18層地獄手撕雞，覺得個名好得意加上又好鍾意食辣嘅我就忍唔住買來試一試。試咗佢哋呢一款招牌手撕雞點左半隻價錢係$75港幣，買完返屋企先至食。呢款手撕雞辣度係大辣，我即刻打開盒影咗相先食發現面係手撕雞肉為主而底就主要都係雞腳雞頸嗰啲佔咗一大半嘅份量，圖片顯示左我將底嗰啲夾咗出嚟比大家睇。口感覺得還好同正常手撕雞差唔多質素，冇驚喜！但如果擬$75呢個價錢本身我就覺得貴，比一般食開嘅手撕雞半份大概價錢係$50左右佢足足貴咗好多，我本人下次唔會再食呢間，因為覺得性價比唔高。