影片
更多
2022-01-30
259 瀏覽
今日同咗老公嚟食晏，一直都知荃灣有好多好嘢食，但平時都懶得搵又懶得諗，通常都係食米線。但自從老公搬咗嚟荃灣返工，我哋就開始搵吓新嘢試，今日誤打誤撞就嚟咗哩度放肆吓食吓牛。一睇menu先知原來佢哋有幾間分店，但我哋之前都從未見過或聽過，真係井底之蛙⋯我哩個芝士控梗係叫雙色芝士燒牛丼啦，而老公就叫咗泡菜燒牛丼。嘩！嗰層芝士，一望未食就知道有份量，好香濃，最初嗌嘅時候有啲擔心芝士會喧賓奪主，但最後食落就覺得芝士同牛肉係相輔相成！牛肉好有肉汁，好新鮮好香，燒得亦啱啱好，好嫩唔會老或靭。啲飯都好好食，軟硬適中，好有飯香，本身我唔太鍾意食飯，但最後竟然全部食晒，大滿足呀。我老公都食到舔舔脷，啲泡菜好惹味，同埋啲飯一齊食真係一流！下次一定會試吓佢哋嘅牛扒
我哩個芝士控梗係叫雙色芝士燒牛丼啦，而老公就叫咗泡菜燒牛丼。嘩！嗰層芝士，一望未食就知道有份量，好香濃，最初嗌嘅時候有啲擔心芝士會喧賓奪主，但最後食落就覺得芝士同牛肉係相輔相成！牛肉好有肉汁，好新鮮好香，燒得亦啱啱好，好嫩唔會老或靭。啲飯都好好食，軟硬適中，好有飯香，本身我唔太鍾意食飯，但最後竟然全部食晒，大滿足呀。我老公都食到舔舔脷，啲泡菜好惹味，同埋啲飯一齊食真係一流！
下次一定會試吓佢哋嘅牛扒
泡菜燒牛丼
$75
7 瀏覽
0 讚好
0 留言
雙色芝士燒牛丼
$75
7 瀏覽
0 讚好
0 留言
張貼
