秀拉麵 (已結業)

聽聞公司附近開咗間新拉面館，拍得住豚王，所以中午就同班同事殺咗過去，但係見到門口排曬長龍，時間關係，放棄咗。夜晚收工，喺中環都唔知食咩好，好彩撞正秀拉麵仲有位，即刻call埋朋友一齊嚟。入到間鋪頭，都幾多位，同埋我幾鐘意個黑色嘅menu，夠曬型！我同fd坐bar枱，雖然逼d，但喺可以望住個日本師傅整麵，勁開心~先前有試過豚王d拉麵，都算Ok，今次喺秀拉麵就想點撈麵嚟試下。用麵條蘸d湯來食，第一次食，好好好特別~~~ 味道都幾香濃，加埋配料，份量十足，我一個人都食唔曬，仲share埋比個fd,佢就話鐘意個拉麵多d我邊食邊四圍望，見到好多枱都點咗人氣餃子，所以又跟住點咗個。加咗明太子同埋芝士醬，好juicy 好好食wor，雖然個fd話出邊都有得買啦 唔知係我肚餓，定係d醬特別好味加咗分呢？餃子好味！好快食完，超滿足，雖然有d貴，但係喺中環，不過我同fd都知喺中環食嘢喺咁個啦 起碼試咗新嘢+醫埋個肚lo。如果鐘意試新嘢，不妨夜晚收工后嚟撞下運，轉下口味，都幾好gar