Mee...lemongrass (已結業)

試新餐廳，勁爆多人，晚飯時間排隊排左成個鐘，建議晚飯八點半後先去會好少少。被圖片吸引，叫左龍蝦喇沙🍜，賣相好吸引！龍蝦好彈牙入味，配料係豆泡同雞蛋，湯底如果可以辣多少少會更惹味😋😋都幾大碗，一個人食唔哂！馬拉盞炒通菜正常，食食下先記得影相，不過事實都係比想像中細碟。另外叫左泰式蠔仔蛋，大部份都係蛋，本身無乜味，係靠沾辣醬先有味，呢味下次唔會再叫喇。見到人人都叫芒果沙冰🍧，個賣相令到啲小朋友嘩嘩聲，好大杯，但其實係好大舊冰，無乜果蓉，無乜味，飲完都係淨反一大舊冰。😅芒果糯米飯上碟係一隻拖鞋😂，寓意拖鞋飯？好攪笑！我今晚食芒果酸嘅，不過我欣賞佢拖鞋面加多啲椰奶平衡反。