影片
更多
2022-05-12
960 瀏覽
心烤of the Opera!今晚同朋友試新嘢，就係因為3個月前我入咗廠失約要等到今晚先至有機會見面。亮點係我仍然有一間小克真蹟嘅VIP房，好有今日香港嘅feel!心烤大眾酒場 - 居酒屋，即係乜都有，今晚飲酒多所以叫嘅嘢食唔太多，Lemon Sour 係signature, 日本高質燒酌做底，加上鹽味，所以唔會太甜，雖然有半杯都係檸檬，但唔會太酸，只有清新嘅感覺。燒牛脷芯心燒食堂係我哋認同嘅全港第一，而新開嘅心烤大眾酒場只係我哋都認同嘅全港第二，我哋真係太鍾意食牛脷，所以真係只要有牛脷叫嘅地方我哋都會叫嚟試吓，而每次我哋嘅同感都係：好掛住心燒嘅牛脷芯呀，同心燒真係冇得比等等！銀杏 - 好多人都唔鍾意食白果，因為有苦味，但我哋超鍾意食，所以就算賣$40一串我哋都叫咗兩串嚟食。卓上朋友話未食過咁好食嘅白果，我串咀一句：梗係啦，$10一粒㗎！後來問老闆先至知道原來係來自日本嘅白果，來貨已經好貴，但真係好好食！所以係銀杏而唔係白果！作為明太子控嘅我，個燒明太子實在太太太太太好食啦，所有喺日本嘅回憶返晒嚟，即時想叫一碗秋田小米白飯！燒鱔 - 只能屈居全港第二，因為心燒始終係冠軍，貨係靚嘢，好肥
今晚同朋友試新嘢，就係因為3個月前我入咗廠失約要等到今晚先至有機會見面。亮點係我仍然有一間小克真蹟嘅VIP房，好有今日香港嘅feel!
心烤大眾酒場 - 居酒屋，即係乜都有，今晚飲酒多所以叫嘅嘢食唔太多，Lemon Sour 係signature, 日本高質燒酌做底，加上鹽味，所以唔會太甜，雖然有半杯都係檸檬，但唔會太酸，只有清新嘅感覺。
燒牛脷芯心燒食堂係我哋認同嘅全港第一，而新開嘅心烤大眾酒場只係我哋都認同嘅全港第二，我哋真係太鍾意食牛脷，所以真係只要有牛脷叫嘅地方我哋都會叫嚟試吓，而每次我哋嘅同感都係：好掛住心燒嘅牛脷芯呀，同心燒真係冇得比等等！
銀杏 - 好多人都唔鍾意食白果，因為有苦味，但我哋超鍾意食，所以就算賣$40一串我哋都叫咗兩串嚟食。卓上朋友話未食過咁好食嘅白果，我串咀一句：梗係啦，$10一粒㗎！後來問老闆先至知道原來係來自日本嘅白果，來貨已經好貴，但真係好好食！所以係銀杏而唔係白果！
作為明太子控嘅我，個燒明太子實在太太太太太好食啦，所有喺日本嘅回憶返晒嚟，即時想叫一碗秋田小米白飯！
燒鱔 - 只能屈居全港第二，因為心燒始終係冠軍，貨係靚嘢，好肥美，但差少少火喉！
雞皮餃子 - 好特別，皮脆肉嫩，好有驚喜，不得不試！
海膽玉子伴三文魚子 - 我用驚為天人嚟形容應該唔會好過份，我連碟底嘅紫蘇葉一齊食，溏心蛋嘅味道加上海膽同埋三文魚子嘅味道，簡直就係天做地設嘅組合。
燒豆腐乾 - 我認我係天生鍾意食，所以係無意見嘅咁好食，好脆！
味噌牛雜 - 唔食內臓嘅我哋係我誤點嘅，但意外地清晒，唔洗解釋啦！
張貼