GOCHISO (已結業)

聽過呢到係和民集團既new line! 就黎試下新野啦~好彩朋友早到, 一早拎位, 過左7 點就開始多人, 要等位啦!食店樓底高, 空間感大, 但枱與枱之間都幾貼近下, 隔離枱大聲D都聽到晒。 如果坐卡位會比較好!不過樓面唔多人招呼, 我地連拎隻貼都等左好耐, 最後忍唔住要自己拎tim! 3 個女仔叫左半份西班牙海鮮飯, 一個鮭魚白汁意粉, 一個蟹肉沙律, 一個凍三文魚小食。半份西班牙海鮮飯, 個樣好唔吸引, 個飯好乾身, 仲要有飯焦, 西班牙海鮮飯唔係應該濕濕地嫁咩? 海鮮有青口, 魷魚, 蝦, 但全部野乾到好似裝飾品咁!鮭魚白汁意粉, 係用扁意粉, 個汁調得不錯, 仲有5大塊三文魚, 讚!蟹肉沙律, 我好鍾意呢個, 用左芝麻汁黎撈, 仲有一大堆蟹肉, 沙律菜, 蛋, 好match!冷盤-三文魚凍食, 不錯! 另外我地叫左2 杯鮮奶抹茶, 抹茶味唔濃同幾甜下!朋友既一杯芒果沙冰反而有驚喜。可惜個到冷氣太凍, D 野食好快被吹凍!講價錢佢唔算貴, 但食物就普通啦!不過呢到食完唔會趕你走,同朋友簡單gathering既話都係一個好選擇。