麵水拉麵 (已結業)

琴日同男朋友行開銅鑼灣, 經過呢間麵水, 醒起上個禮拜有friend 試過話唔錯, 就入去試吓. 其實初頭有少少驚中伏, 始終近來真係開咗好多拉麵店呀沾麵店呀, 但係好多都係gimmick, 唔係真係咁好食. 今次試麵水算係幾好!入到去感覺唔錯, 侍應哥哥好有耐性咁介紹. 有叉燒同埋豬軟骨兩種選擇, 湯底就有濃味同埋淡味揀. 麵都有硬身, 中等硬, 同埋軟身. 我比較鐘意拉麵店有呢個option, 因為我一向都偏好硬身o嘅麵, 但係男友就揀軟身o嘅.最大驚喜係豬軟骨. 好入味, 肉質軟糯但係軟骨位置又好爽脆! 十級推薦. 麵條掛湯力唔錯, 亦係我鍾意o嘅硬身帶 d 彈牙o嘅質感.男友揀咗叉燒, 試咗我舊豬軟骨之後話豬軟骨好味d, 因為佢覺得塊叉燒唔夠肥. 我話, “係呀, 肯定唔夠你個肚腩肥囉” 總括嚟講都好滿意! 尤其係有時想食拉麵又唔想太肥膩, 嚟呢度可以揀淡味湯底.隻溏心蛋我就覺得淡咗少少, 不過個個人口味唔同啦 ^^