吉祥冰室 (已結業)

見有人介紹過朗屏呢邊開左新餐廳，裝修仲幾靚下，咁橫掂今日要過黎呢邊，順便黎試下先。下午茶時段黎到，全場滿坐，店員話可以上樓上，幾好吖，好夠冷氣又有電視睇。點左杯紅豆奶茶，個杯印左餐廳名幾靚仔。奶茶香滑好飲，紅豆個人覺得唔夠甜，因為現代人普遍鍾意微糖？本來想叫乾炒牛河，見餐牌有個特別推介嘅避風塘乾炒牛河，咁得意又試下啦。大大碟牛河上加了香蒜辣椒碎等，賣相幾靚。牛肉軟嫩份量多，仲有唔少洋蔥同芽菜。河粉炒得香口色澤均衡，加上蒜香同辣椒好惹味，唯一唔好處就係會黐牙，哈哈，呢個創新食法幾好呀～價錢唔貴份量足，加上味道唔錯，有下次。