海皇粥店 (美孚新邨)

營業中

休息中

係報紙見到佢有新野出，就諗住去試下，個餐有三款，牛肉海鮮（＄７２）、醉雞（＄６６）同牛肉豚肉（＄７０），我地本身諗住先醉雞，但八點幾已經賣曬，之後轉左做海鮮，個餐有得揀配即食麵或者油炸鬼（半條），而湯底就有豆漿、南瓜粟米粥或者皮蛋唔知咩粥，我地揀左南瓜粟米粥，等左十五分鐘，終於黎啦。我地急不及待打開黎睇下個粥先，同我地想像中有Ｄ出入，因為佢唔係粥黎，同比時食果Ｄ粥好唔同，都冇咩米，有Ｄ粟米同肉係底。個鍋煲左十分鐘都好似唔係好滾咁，因為太肚餓，少少熱都放住落去先，點知情況更差，連陸件肥牛都要成分鐘，但之後講都算ＯＫ，比起其他快餐連鎖店既一人鍋，佢都算多黟食，如果唔係好肚餓，兩個人食都勉強夠飽。海鮮黎講有兩隻青口，一隻蝦同兩舊魚，味道還可以，有少少腥咁啦，但都接受到，整體黎講都算ＯＫ，但都係試一次就夠啦。下次都係食番普通Ｄ粥餐好Ｄ。