孖寶去骨海南雞 (Go Go Mall)

營業中

休息中

落緊大雨就真唔想周圍搵野食，見到呢間新開既餐廳🍴就入去試下啦，反正佢既2人套餐唔算好貴個賣相又好似好吸引咁 入到去叫咗個2人套餐，有半隻（去骨海南雞/口水雞）、再係幾個小菜選多一個、有2碗湯、2個海南飯，同菜，熱飲加$4凍飲加$6 食物好快就上哂枱，唔洗十分鐘就上哂，賣相就真係好吸引既，但味道就真係好普通，正正常常唔特別好食又唔特別難食、個飯完全食唔出係海南油雞飯，而個豬手豬皮仲有少量既毛，未完全清除哂，味道都不太好食，肉質夠淋身，今晚食咗$164 （2個人） 一定會食得飽，因為飯既分量好大碗。