魚尚 (已結業)

佢剛新出左二重芝士系列，仲有折扣優惠每盒平$4，所以就買左兩盒黎試試。一盒係二重芝士三文魚盛，另一盒就二重芝士卷。佢既二重芝士相信就係壽司面頭既芝士醬同幼條狀芝士，仲加左d紫菜粉整色整水。個人覺得芝士味唔係幾出，魚味出好多，所以同平時食既火炙三文魚分別不大。另外一款就係卷黎既，除左三文魚，仲有d蟹柳絲咁，都係同芝士關係唔大，哈哈。所以結論係，如果你為左食芝士而買就唔多建議，但當佢普通壽司咁食就還可以。