壹食就醉

營業中

休息中

近期比較少出外食飯，突然間想去食下海鮮小菜。今日去咗壹食就醉。尖沙嘴區地點方便，卜卜蜆鍋叫咗個細，二人份量一定夠食。蜆會配上清酒，店員會幫你調好味道，個蜆煲都黎到都好多蜆，越食越多咁。份量真係非常之多。蜆肉細細粒，雖然有少少沙，但係都尚算鮮甜。另外，想叫個肉食。叫咗XO醬炒黑豚肉，肉係薄片，食落好似肥牛咁；而且充滿醬汁，都幾濃味。仲有其他配菜，唔會太齋。本身想食椒鹽九肚魚，咁岩今日冇就叫咗椒鹽鮮魷。炸得幾香，如果飲埋啤酒就正！喺社交平台打卡仲送飲品，我哋叫咗羅漢果茶一渣。