M Kitchen (已結業)

餐廳個裝修幾靚，有啲位影相都唔錯；環境光光鮮鮮，應該唔係開咗好耐。而且都有幾多座位，環境尚算舒適。有經濟下午茶餐，亦有散叫。叫咗熔岩芝士焗豬扒飯$88 ，望落去賣相都唔錯。面上邊有好多芝士，鍾意食芝士嘅人就啱，豬扒都算幾大塊，係厚豬扒。飯嘅份量都唔少，撈埋啲熔岩芝士同茄汁一齊食，仲有少少配菜，蕃茄、椰菜、西蘭花🥦再散叫咗個蘑菇忌廉湯$38。加$20可以揀唔同嘅特飲。叫咗凍百香水果茶，酸酸地，裏邊有椰果、菠蘿等。