魚尚 (大埔墟站)

營業中

休息中

溏心蛋飯團 $14~魚尚出左呢個飯團都起碼有半年, 但我都係今日先試左咋~ 我真係outdated到呢! 個飯團標榜用日本米制成, 飯質都唔錯丫~ 而個醬油飯底既味道都調製得幾好味, 我食到係有鰻魚汁味架! 而主角溏心蛋都好香, 一咬落去就有蛋汁流出黎, 如果係全隻蛋就仲正!麻油三文魚飯團 $11~之後再試埋呢隻飯團, 呢隻都幾好味~ 如果鍾意麻油味既人一定好like...因為一打開包裝d麻油味就爆出黎喇! 個飯團同樣標榜用日本米製成, 混合左鹽燒三文魚, 日本麻油, 白芝麻同埋紫菜, 夾埋一齊既味道都唔錯~ 雖然冇加入醬汁, 但食落一d都唔乾~ 可以返兜~