Spices Island Mixed Fusion Food (已結業)

成個餐廳感覺好似附近個間好多人排隊既餐廳，雖然味道質素都差唔多，但餐飲既選擇多d, 價錢平d!一坐低就有個免費餐前小食，咸咸地脆口，點下d醬好特別！ 叫左個晚餐，有餐湯 - 雞肉湯，唔似一般西餐廳既忌廉湯，雞肉好嫩滑， 好多唔同既香料味道！ 主菜揀左炸魚薯條， 咪睇個鱈魚柳好似好薄咁，佢炸完入面一d都唔乾，仲好滑！薯角好香好脆！ 本身怕唔夠，仲叫左個雞肉蒸餃，雖然唔似中式餃子一樣皮薄，但餃子入面好多汁，已經調好味，連醬汁都可以唔點！ 野飲揀左杯奇異果汁，好新鮮，酸酸地好幫助消化！