初芋 (已結業)

牛角窩夫，都係近期非常興嘅小食之一，用部窩夫機夾隻牛角包再加上配料來代替之前用嘅蛋漿，口感新穎。咁今日收工揸車經旺角交收玩具，等客人嘅時候見到個燈箱廣告就俾佢吸引住左啦！於是就試一試啦！點左個奶醬多牛角窩夫，價錢係42蚊，唔包飲品嘅，咁佢話即叫即做要等10分鐘左右，於是就係出面等啦！好啦！，有得食啦，隻窩夫就真係即叫即做，熱辣辣嘅，花生醬加煉奶嘅口味就最穩陣啦！但係就反而食唔到牛角包嘅牛油香，食落去無咩牛角包味道，同埋隻窩夫都幾細隻，性價比唔高，如果簡簡單單跟杯飲品會幾好。