影片
更多
2014-01-23
5157 瀏覽
上星期五又係同一大班姊妹出黎食野聚會的大日子，有人提議食韓國燒烤，所以就上openrice睇下D介紹，期間有人話依間阿里朗幾出名 (其實我地都唔知阿里朗係北韓定南韓野，不過以高級餐廳黎講佢算出名)，所以就諗住試試佢。去之前上佐OPENRICE睇下有咩食評，唔係好多，但D相睇落都唔錯，都略知一二D燒烤野唔錯!但睇相唔準，要親身試過先知。去之前打佐個電話book位，所以去到唔洗等(星期五晚都幾旺場)。成間店比我的感覺唔錯，唔似一般X陽苑污糟立達，反而用木色抬登都幾有韓國feel(唔明點解唔播d K-pop)。個鐵板係張抬正中間，我地一行8個人拍埋2張大抬，可以有2個爐，幾好。先黎碟特级牛肋，依碟野價錢唔平但人一世物一世點都要試下。果然係唔同D，出面食的牛肋痴住晒，但依碟入口融化，好juicy啖啖肉，真係好好味(重有人教我地點樣燒同點D咩醬)，不過數量唔係好多，我地平均一人得果一塊多D(總共1X塊度)><接住黎的就係辣鱿鱼，聽個侍應姐姐講依個煮法已經差唔多係全香港最正宗，不過因為香港人無韓國人咁食得辣，所以已經降低佐辣度了,但我本人都依然覺得有D辣....不過講真,真係好惹味
去之前上佐OPENRICE睇下有咩食評，唔係好多，但D相睇落都唔錯，都略知一二D燒烤野唔錯!但睇相唔準，要親身試過先知。
去之前打佐個電話book位，所以去到唔洗等(星期五晚都幾旺場)。成間店比我的感覺唔錯，唔似一般X陽苑污糟立達，反而用木色抬登都幾有韓國feel(唔明點解唔播d K-pop)。個鐵板係張抬正中間，我地一行8個人拍埋2張大抬，可以有2個爐，幾好。
先黎碟特级牛肋，依碟野價錢唔平但人一世物一世點都要試下。果然係唔同D，出面食的牛肋痴住晒，但依碟入口融化，好juicy啖啖肉，真係好好味(重有人教我地點樣燒同點D咩醬)，不過數量唔係好多，我地平均一人得果一塊多D(總共1X塊度)><
接住黎的就係辣鱿鱼，聽個侍應姐姐講依個煮法已經差唔多係全香港最正宗，不過因為香港人無韓國人咁食得辣，所以已經降低佐辣度了,但我本人都依然覺得有D辣....不過講真,真係好惹味,依隻辣唔係平時食果D中國辣，而係有D韓國年糕的辣味，加上鱿鱼的口感，真係配合得好好，好有彈性!
有人話唔飽，所以就叫佐D重量級小小的菜色，其中一樣就係辣拌面啦~(又係辣野...韓國人真係好興食辣野，好似D東北佬咁) D面係韓國面，意思即係話唔係中國feel again，有D似中國油面+日本拉面的口感----餐廳話D面都係由韓國新鮮空運到港，依個菜色一定要試!之後8條女諗住叫D韓國野飲，上網話阿里郎有韓國燒酒飲，所以就膽粗粗試下---酒味唔係好烈，易入口過日本燒酒，有D甜甜地的感覺，我地大家都幾鐘意，依個都一定要試~
服務大家都覺得唔錯，8個人坐得幾舒服。果度D姐姐話間野成日有名人去食野，D荷里活巨星都會去，近年因為韓風而多佐D韓國藝人去，唔知會唔會有running man呢??
埋單叫佐差唔多10個餸，好飽，每人差唔多$260，我覺得以依個高級餐廳level可以食飽人又令人滿足黎講，咁的價錢算係咁啦，有D地方比2舊水都重要食垃圾lol...
希望下次去可以再試多D新野!!
題外話/補充資料：
野食好好，環境唔錯，價錢都算抵食
(以上食評乃用戶個人意見 , 並不代表OpenRice之觀點。)
張貼
