影片
更多
2011-06-22
37 瀏覽
呵~~ 今次只試咗一件今期出的＜伯爵紅茶慕司＞，不過都試咗個０９年６月出嘅＜煙肉洋蔥雞蛋批＞，真係好久不見，突然見返不如一試啦，因為唔知會唔會下次再去又冇咗嘛。＜伯爵紅茶慕司 Earl Grey Tea Mousse ($29)＞見唔見呢個Mousse頂部有塊白朱古力呢？本以為上面的黑色物體係黑朱古力的花紋，點知食落去原來係伯爵紅茶葉，wow....又幾Match個Mousse喎！叉落件Mousse時覺得好實的的又啜住隻叉，並唔似平時食的輕Mousse般幼滑軟身。最外面一層令身的好似係紅茶啫哩質感，好得意，甜甜的；啫哩包著一層厚厚實的的伯爵紅茶Mousse，都幾甜，但有好濃伯爵紅茶味，好食；之後到朱古力海綿蛋糕同朱古力威化脆餅做底，雖然係朱古力不過已經被豐富的伯爵紅茶味遮蓋喇，好食！！＜煙肉洋蔥雞蛋批 Quiche Lorraine ($20)＞呢個曾於０９年夏季推出嘅蛋批，呢期係海洋中心比我見返喎，上次推出時冇試過呀，今次點都要試一試嘅！！批皮的油份望落去較其他批多，濕潤程度也多，可能是蛋批加入車打芝士o卦，加熱後有些蛋液同芝士令批皮濕潤而不脆邊。批餡好簡單，只有雞蛋、煙肉和洋蔥，３
＜伯爵紅茶慕司 Earl Grey Tea Mousse ($29)＞
見唔見呢個Mousse頂部有塊白朱古力呢？本以為上面的黑色物體係黑朱古力的花紋，點知食落去原來係伯爵紅茶葉，wow....又幾Match個Mousse喎！
叉落件Mousse時覺得好實的的又啜住隻叉，並唔似平時食的輕Mousse般幼滑軟身。
最外面一層令身的好似係紅茶啫哩質感，好得意，甜甜的；啫哩包著一層厚厚實的的伯爵紅茶Mousse，都幾甜，但有好濃伯爵紅茶味，好食；之後到
朱古力海綿蛋糕同朱古力威化脆餅做底，雖然係朱古力不過已經被豐富的伯爵紅茶味遮蓋喇，好食！！
＜煙肉洋蔥雞蛋批 Quiche Lorraine ($20)＞呢個曾於０９年夏季推出嘅蛋批，呢期係海洋中心比我見返喎，上次推出時冇試過呀，今次點都要試一試嘅！！
批皮的油份望落去較其他批多，濕潤程度也多，可能是蛋批加入車打芝士o卦，加熱後有些蛋液同芝士令批皮濕潤而不脆邊。
批餡好簡單，只有雞蛋、煙肉和洋蔥，３款餡料成份應該係一比一，有好豐富嘅煙肉味，可惜煙肉唔脆唔燶，應該冇先煎香才加入批內喇，洋蔥也多，食落香香不會過淋，整體都幾好食，如果翻焗後可以係脆邊就更好啦！！
張貼
