影片
更多
2021-05-05
645 瀏覽
04.05.2021今日試譚仔三哥新口味外賣，之前出鴨血無食過，今次期間限定出「姬松茸/螺片/雞米線」，話係滋補之選！起初打開碗蓋，好空虛呀，眼見得一件雞、一件螺片，兩三條菇仔浮沉喺濃湯中，心諗死喇，咁少，肯定食完唔夠飽...點知當落咗米線後開始食，原來件雞雖然得一件、但咬開分拆可成三、四小件，而且我估係用胡椒醃製過，幾好味呀！👍另外件螺片大大片，有咬口；姬松茸得三條，其實最初唔知係乜，同事話係菇之類。維基話屬於營養保健食品中，並聲稱有活化免疫系統、預防惡性腫瘤的功效⋯⋯但未經證實🤣。但無論成效如何，爽爽地幾好食，如果可以多啲就更好。（唔知係咪好貴，所以得咁少）想講個湯底有菌味、濃濃地，我覺得幾啱自己口味，其他同事都話好味，但預咗加咗味精，可能會口乾。我覺得$59呢個價錢算可以，但屬於女士細食之選，如果正常食量肯定唔夠飽，建議要至少加多一、兩款餸。另外，同事食嘅鴨血、豆卜米線，都係期間限定之選，佢話豆卜吸咗湯底，好好味，本身至少五小辣（除非專登叫清湯），唔食得辣嘅我唔啱食。整體來講，呢次期間限定之選算不錯，如果有興趣，可以試吓。
今日試譚仔三哥新口味外賣，之前出鴨血無食過，今次期間限定出「姬松茸/螺片/雞米線」，話係滋補之選！
起初打開碗蓋，好空虛呀，眼見得一件雞、一件螺片，兩三條菇仔浮沉喺濃湯中，心諗死喇，咁少，肯定食完唔夠飽...點知當落咗米線後開始食，原來件雞雖然得一件、但咬開分拆可成三、四小件，而且我估係用胡椒醃製過，幾好味呀！👍
姬松茸/螺片/雞米線
$59
36 瀏覽
0 讚好
0 留言
另外件螺片大大片，有咬口；姬松茸得三條，其實最初唔知係乜，同事話係菇之類。維基話屬於營養保健食品中，並聲稱有活化免疫系統、預防惡性腫瘤的功效⋯⋯但未經證實🤣。但無論成效如何，爽爽地幾好食，如果可以多啲就更好。（唔知係咪好貴，所以得咁少）
想講個湯底有菌味、濃濃地，我覺得幾啱自己口味，其他同事都話好味，但預咗加咗味精，可能會口乾。
我覺得$59呢個價錢算可以，但屬於女士細食之選，如果正常食量肯定唔夠飽，建議要至少加多一、兩款餸。
另外，同事食嘅鴨血、豆卜米線，都係期間限定之選，佢話豆卜吸咗湯底，好好味，本身至少五小辣（除非專登叫清湯），唔食得辣嘅我唔啱食。
鴨血、豆卜米線
$53
20 瀏覽
0 讚好
0 留言
整體來講，呢次期間限定之選算不錯，如果有興趣，可以試吓。
張貼
