好煮意

營業中

休息中

之前經過條街，多咗間有藥膳醉雞煲嘅食店，店外貼有糖妹推介嘅相，所以特登入去試吓，心想應該唔差得去邊，店內環境衛生係可以嘅，有兩層，入到去侍應會問有冇book位，冇book位嘅，就安排地下入座，因為第一次，所以唔知係自助式點菜，坐低左冇人理你，就問個侍應，佢話枱有張紙有code自己點，當晚點左招牌藥膳醉雞湯，第一次要湯同雞分開點，感覺好新穎，菜係唔包嘅，要另外加。開始點餐啦，點完都好快有得食，不過之前點咗支啤酒，就眼見係水吧開咗好耐都無人攞嚟，人手都幾不足。煲入面啲藥材唔多，有紅棗/杞子得幾粒、黨參好幼好短、淮山有兩片、唔覺有北芪，桂圓肉亦不多，唔明點解藥材唔多都可以有甜中帶咸嘅濃味道，酒味弱，雞肉質可以，牛腩一般，手工芫茜豬肉餃比較咸，晚市要加一，但又唔覺有咩服務，試過一次就算！