譚仔雲南米線 (已搬遷) 新店位置

譚仔最近新出咗一款米線，仲搵埋七師傅宣傳，身為七粉嘅我梗係要試吓啦。因為見到app做緊優惠，所以都係外賣送上門。講吓有咩餸先，長蟹棒有一條，帶子就有三片，魚片頭有一片定唔知兩片，再有埋啲紫菜。湯底係泡椒酸菜魚湯，不過就唔係好濃郁，辣度ok。覺得失望嘅係因為帶子薄到好似個$5銀咁，食落仲有雪味，不了。不過$40左右，譚仔都唔可以太高要求。試過一次就算啦，下次都係會叫返其他米線。包裝方面，米線同湯分開，送到黎都唔會好淋，但始終冇堂食米線咁好味。如果因為方便叫都冇乜所謂嘅，最好就梗係去返門市食啦。