+5ºC 手抓餅專門店 (已結業)

食左2個月太安樓既美食，我已經試過晒所有食店，唯獨呢間既手抓餅未試過（其實買過杯飲品，但極之難飲，所以唔敢再買）今日行過，試下囉。首先要響點菜紙上面揀料，餅底$15，最低消費2款料，我揀左芝士，蛋，蟹柳同煙肉，每次都可以免費加沙律醬/辣粉，第一次食揀左沙律醬，就咁就揀左$38，響太安樓可以買到個好豐富既晚飯，算唔平。有個冇笑容既員工開始制作餅底同料，等既期間愈來愈多人買，制作期間聞到好香餅底。餅底好脆，好香口，但要咬好多啖先咬到d料, d料其實冇乜特別，沙律醬加芝士好漏，我點解食落會覺得自己食緊三文冶既？😂試過就算，呢個就係一路都冇幫襯既原因。