影片
更多
2018-04-26
458 瀏覽
CWB幾間最出名嘅麻辣火鍋，唯獨呢間一直未有機會試佢。未食之前已經聽過唔少傳聞，難book、安排差、非原裝等等，不過同食物味道如何冇直接關係，所以難得有位，就即管一試。每枱都有圍巾同大量紙巾，唔驚烏糟。枱上仲有人頭份的香麻油，其他醬料就要行出去自己加。食過麻辣火鍋就知道，呢個超級香嘅麻油簡值係麻辣火鍋嘅靈魂，加左之後，個種辣即刻變得易入口好多，重點係超級重的麻油香味。成支倒晒落去，一滴不漏，正～嗌左鴛鴦湯底（紅油/蕃茄）麻辣湯ok 蕃茄個味好淡，所以都係主要集中食紅油個邊，辣到頂唔順先放過蕃茄湯個度過水😂極品手切肥牛（細份）$198雖然係點細份，但望落都好多，大概都有廿塊，夠晒我地三人食。餐紙有寫碌12秒就可以，碌一陣就好夾返上黎食，牛肉好滑夾埋個麻辣湯底，真係依家諗返都係咁吞口水。手捲牛舌花 $78其實就係擺得靚啲嘅牛舌，呢個要碌多陣大約20秒，都係好快食得，爽爽地都係好好食。花雕雞件 $98相比起牛魔王，其實我係雞控。見到個份量就即刻覺得好抵食！雞件有好多唔同部位，又難得件件都咁滑，雞味都好濃，推介👍🏻貴妃蚌 $28/隻呢個又係我都覺得幾抵食，好似街市買咁大隻都係差不多價（？）非常
每枱都有圍巾同大量紙巾，唔驚烏糟。
枱上仲有人頭份的香麻油，其他醬料就要行出去自己加。
食過麻辣火鍋就知道，呢個超級香嘅麻油簡值係麻辣火鍋嘅靈魂，加左之後，個種辣即刻變得易入口好多，重點係超級重的麻油香味。成支倒晒落去，一滴不漏，正～
嗌左鴛鴦湯底（紅油/蕃茄）
麻辣湯ok 蕃茄個味好淡，所以都係主要集中食紅油個邊，辣到頂唔順先放過蕃茄湯個度過水😂
極品手切肥牛（細份）$198
雖然係點細份，但望落都好多，大概都有廿塊，夠晒我地三人食。餐紙有寫碌12秒就可以，碌一陣就好夾返上黎食，牛肉好滑夾埋個麻辣湯底，真係依家諗返都係咁吞口水。
手捲牛舌花 $78
其實就係擺得靚啲嘅牛舌，呢個要碌多陣大約20秒，都係好快食得，爽爽地都係好好食。
花雕雞件 $98
相比起牛魔王，其實我係雞控。見到個份量就即刻覺得好抵食！雞件有好多唔同部位，又難得件件都咁滑，雞味都好濃，推介👍🏻
貴妃蚌 $28/隻
呢個又係我都覺得幾抵食，好似街市買咁大隻都係差不多價（？）非常鮮甜又冇沙，好厚肉呀勁正！有衝動想嗌多隻，不過已經勁多野食。
手打墨丸 $88
手打丸係火鍋必備！呢度嘅手打丸口感彈牙，味道不錯，份量亦都ok，我自己一個都輕易KO！
手打蝦滑 $88
同墨丸一樣煮耐啲都唔怕過熟，因為都係咁爽口彈牙。
薯粉 $38
呢個係我最愛！！麻辣火鍋又點可以冇薯粉，薯粉係長條形，煙煙韌韌，配合麻辣嘅湯底，係天作之合，呢度嘅薯粉都算係最合我口味的。
其實呢度食物算係抵食又不俗，又牛又雞又海鮮，埋單大約每人400, 同我之前食其他麻辣火鍋其實差唔多價，但呢度食嘅料豐富好多。之不過就真係太多人太full, 食得有啲趕，食麻辣火鍋都要咁趕，勁辛苦，食過一次就夠了。
張貼
