影片
更多
2023-02-13
1804 瀏覽
話說東涌 Sheraton 住一晚包餐飲，琴晚已經用咗一大截食自助餐，今日食埋個 lunch 就鬆人。瞓醒覺交完鎖匙就直上喺頂樓嘅 Sunset Grill，可能閒日關係成間餐廳得幾枱客，我被安排坐靠窗一張枱。餐廳一大賣點就係個海景，又唔係多人，有靠窗嘅枱都好應該。不過海景就有分等級嘅，始終中環尖咀一帶嘅海景最正，東涌呢邊爛溶溶咁就冇乜好睇。有人話睇飛機升降好有趣，唔明飛機升降有乜好睇，以前啟德都睇唔少啦，嗰啲仲更加有趣。未點餐之前睇吓有咩 cocktail 先。仔細研究之下揀咗 Honey Old Fashioned，係 bourbon base 嘅 cocktail，上面放一舊類似蜂巢形狀嘅蜜糖味脆糖。我問個菲律賓籍侍應 Harry 點玩呢件嘢，應該等佢自己溶定直接拎起嚟食，佢話細細啖咬一吓再呷一啖酒咁樣。又幾得意，咁就啱，飲 cocktail 呢啲都係貪得意啫。到點餐時我想食羊扒，但 Harry 竟然話冇貨，佢賴帶位個同事冇話我知。有冇搞錯，咁大間餐廳羊扒都冇，係咪冇錢找貨數呀？事但啦，我又冇話要追究責任，邊個唔記得講唔係重點。冇羊就食牛啦，叫咗個 ribeye 五成熟。Harr
瞓醒覺交完鎖匙就直上喺頂樓嘅 Sunset Grill，可能閒日關係成間餐廳得幾枱客，我被安排坐靠窗一張枱。餐廳一大賣點就係個海景，又唔係多人，有靠窗嘅枱都好應該。不過海景就有分等級嘅，始終中環尖咀一帶嘅海景最正，東涌呢邊爛溶溶咁就冇乜好睇。有人話睇飛機升降好有趣，唔明飛機升降有乜好睇，以前啟德都睇唔少啦，嗰啲仲更加有趣。
未點餐之前睇吓有咩 cocktail 先。仔細研究之下揀咗 Honey Old Fashioned，係 bourbon base 嘅 cocktail，上面放一舊類似蜂巢形狀嘅蜜糖味脆糖。我問個菲律賓籍侍應 Harry 點玩呢件嘢，應該等佢自己溶定直接拎起嚟食，佢話細細啖咬一吓再呷一啖酒咁樣。又幾得意，咁就啱，飲 cocktail 呢啲都係貪得意啫。
到點餐時我想食羊扒，但 Harry 竟然話冇貨，佢賴帶位個同事冇話我知。有冇搞錯，咁大間餐廳羊扒都冇，係咪冇錢找貨數呀？事但啦，我又冇話要追究責任，邊個唔記得講唔係重點。冇羊就食牛啦，叫咗個 ribeye 五成熟。Harry 問五成咁生？我話你認為唔好咩？佢話唔係，不過出嚟如果我嫌太生可以叫廚司再煎一煎。一於咁話啦。
我心諗，五成都話生咁奇？又唔係三成。我通常叫五成出到嚟都差唔多七成，如果叫七成就多數變九成。我諗係咪廚房備餐時會將啲牛扒煎定底面先，到有人叫再落鑊煎熱佢，所以五成難控制？唔知。
揀醬汁時見到有 chimichurri，未試過，問Harry 係咩嚟。佢話係南美發明嘅，廚司見南美人成日食肉，佢哋發明配搭肉嘅醬汁應該有佢道理，所以引入咗。係 olive oil 底加蔬菜同 herbs，唔辣。好，試吓佢。
到上枱時 Harry 見我曾經猶豫緊揀 chimichurri 定 blue cheese sauce，結果佢俾晒兩樣我。
塊扒肉質幾好，嫩滑有咬口，大部分都俾到五成我，係有一細邊煎耐咗變咗7成，算啦，都收貨啦。
如我所料，blue cheese 點肉太搶，點薯仔就十分夾。所以啲肉都係集中點 chimichurri，的確唔搶之餘仲提升個肉味，記住佢先。
其實琴晚嗰餐仲未飽完，又唔係太好甜品，叫杯咖啡消消膩剛剛好。
今餐埋單七百幾。
整體嚟講，間餐廳冇雷公咁遠，海景冇睇頭，服務一般，但價錢同市區中環灣仔尖沙咀睇齊，唔減吓價唔會揀佢。
29 瀏覽
0 讚好
0 留言
張貼
