金華冰廳

營業中

休息中

朋友話呢度嘅菠蘿油好好食，放工特意過嚟試試。菠蘿油唔熱中間塊牛油冇嗰種溶溶地嘅油香感，雖然個菠蘿包味道不錯，但牛油同菠蘿包味道似分開的，有點可惜。蛋撻比較甜，酥皮底好食。如果剛出爐，相信應該會更好食。我哋仲叫咗碟乾炒牛河，雖然好有鑊氣，但有少少燶味。凍奶茶太甜，凍檸茶走甜好飲，佢既茶底不錯、好飲如果叫少甜或者走甜會比較健康啲。普通茶記，食物味道普通，唔知點解會咁出名，好多旅客到訪。今次店舖內都多人，好多人都叫菠蘿油，唔知佢地覺得好唔好食呢？估唔到呢間冰室，未到七點就有人排隊。