新沙洞大排檔 (好順景大廈1座) (已結業)

見社交平台咁多推介，醬油蟹又好似幾抵食，即日就打去book。去到佢話原來醬油蟹$198個優惠係要提前一日book位先可以用，如果唔係就要用原價$298，咁我就叫左其他野食冇食到醬油蟹。叫左個$378嘅二人餐，加多$30叫蟹膏飯。蟹膏得少少，個豬肉得六件，仲要有三分二都係肥膏黎，炸嘢又炸得唔脆，汁都冇得比人點。咁樣三樣嘢埋單都成四百幾蚊。見隔離檯話食醬油蟹手套都冇提供比人，紫菜包飯又冇味。從來未試過咁難食咁伏嘅韓國餐廳。四百幾蚊食左不知所謂嘅晚餐。