台灣小倆口三文治 (已結業)

雖然營業時間,寫係收五點,上個月,六點半,走過來仍未收工,店員笑說,係呀!因為佢地鍾意開工ma!我仲問送唔送外賣,佢話送!今日有時間walk-in,碰巧來的食客都說國語,其實兩名台灣人店主,也能說流利廣東話。因牆上報章介紹,揀了法式奶酥$13。說道麵包從香港供應商出品,但製法是跟循台店；厚多士外朕也是台灣牛油。「奶酥」味道好膩,好似吉士+奶油+椰奶既味道,一大pet好heavy。花生醬亦無什特別!最無稽是,多餡,只在當眼部份(雖然可自行查勻)!令我想起好耐以前,有個email,有相為証,登出便利店賣的半餡三文治!所以佢擺咁多款三文治出黎,份份都好多料咁,事實有幾多,真係買過自知!玉米蛋餅,如果唔係靠那小袋稀釋豉油汁,我揀粟米,真係成件都無乜味。本身好鍾意食麵包小食既我,仍可再俾機會佢,試吓漢堡類或現烤吐司類。