九運來粉麵世家 (已結業)

好常會途經厚福街，但街上實在太多食肆了，所以都唔覺開咗呢間港式粉麵。今日突然見佢攞張牌出嚟做試食價，$20一碗牛腩粉仲有得外賣，咁對於未試過嘅我嚟講，正是好時機試試佢。老實呢頭尖沙咀有好多食肆，但做正宗粉麵嘅鋪唔多，有嘅都似係做遊客生意嘅，一向有介心。咁有多間喺附近如果靠得住就可以長期幫襯。老實今時今日要$20一餐當然係唔真實嘅。但信佢用呢超做宣傳吸吓人氣，同埋俾返啲信心好似我呢啲懷疑派，所以都寄望係碗正常嘅牛腩河。但由收銀，跟單，到派外賣都唔似係做長遠生意。店內都唔算多人但員工面口都幾黑吓。重點係，碗$20粉一打開只有食有好孤獨好瘦弱幾件腩，個湯底好咸但唔覺係牛湯味，因為係試食連青都要走埋？當然明白今時今日食肆難做，但新開張搞試食，都係希望啲客有回頭。如果得幾件咁細嘅牛腩都冇乜嘢好試，咁希望啲客點樣會返轉頭或介紹俾朋友？