慢煮兩餐 (已搬遷) 新店位置

第一次試食體驗估唔到首次試食係家常小菜今次係同朋友2個人參加試食菜式有：養生排骨湯，個湯係我覺得最有驚喜既湯味非常濃郁😍飲得出好足料蘿蔔好入味，平時飲湯，都比較少食豬肉嘅湯渣但呢個湯既排骨肉質仲係好嫩滑再配埋佢嘅酸梅醬，食落感覺好清新紹菜蝦米粉絲呢道菜係我第二覺得驚喜嘅因為平時呢種菜式，相信好多家庭都會有煮但呢個紹菜煮得夠淋，味道亦保持到清甜試飲佢嘅菜汁，都係鮮甜，唔係味精煎魚本人平時係唔食魚嘅，但因為今次嘅試食我都嘗試左，佢個肉質比我平時食開嘅煎魚滑唔會煎得過老嚡口，係我比較怕嘅亦都冇腥味，我怕食魚係因為都怕佢嘅腥味但今次煎魚，我食咗幾啖，可以接受到👍🏻豉油皇乳鴿聞到好香嘅豉油味，亦都非常細心提供手套好彩係同熟嘅朋友去食，可以豪邁啲用手去撕同埋原隻拎起嚟食🤣味道唔錯豉油味好香，肉質亦都好滑自己一個人食一隻乳鴿，非常開心然後再選擇甜品，木糠牛奶布甸牛奶味就唔太出，所以對於唔太好奶類既我可以接受仲包一杯飲品，我就揀咗蜂蜜水佢係淡淡的蜂蜜味，飲得出唔係溝平時出面買嘅蜜糖朋友就叫咗椰漿水，佢話非常之好飲整體來講，今次嘅試食都非常滿意因為雖然係試食，但食物方面絕不馬虎分量亦都唔會因為咁而減少，