黃記煌三汁燜鍋 (已結業)

一行四人試食內地著名燜鍋。以前在內地工作時已有聽聞黃記煌，一直無機會試，知道佢黎左香港開，馬上去試。燜鍋選擇好多，有魚，雞，海鮮，牛等，我地最後揀左雞。其實食飯同雞煲基本無異，不過煮雞嘅過程多啲步驟同埋製作認真啲。一上菜時，服務員拎左個酒壺型嘅物體黎，原來當中內有玄機，雞，配菜，汁，莞茜一層層放好! 首先服務員放入油膏，話有調味同藥材精華，之後用手將蔬菜墊好在鍋底上，再放上雞件，冚蓋燜大約十分鐘。之後無耐服務員將醬汁打杰淋上面，最後就落莞茜，每一個步驟都一絲不苟。煮嘅時候散發出陣陣藥材味，食就唔係好覺，但都非常惹味，不過雞略嫌切得太細舊。食完雞就加湯打邊爐，料方面中規中矩。牛拼盤比較一般,性格比略低。黑松露手打丸好味，桶蠔都大隻。鮮鵝腸多膏！整體間嘢唔錯，裝修新淨企理, 地方亦就腳。可能新開，唔算好多人唔太嘈。服務員態度非常耐心有禮，值得一贊!最後，原來餐廳同許留山有crossover, 可以飲到芒椰奶西同食到多芒小丸子等甜品，幾creative!