麥當勞

營業中

休息中

新餐肉登陸麥當勞已經一段時間，今日終於有時間去試。作為一個香港人，都會好想試吓香港公司Green Common出嘅素肉omn!pork lunceon新餐肉。呢段日子沸沸揚揚，網上有好多討論有啲讚到天上有地下無有啲就踩到一毫子都唔值。新餐肉口感同味道都有傳統餐肉嘅感覺，就係鹹味少咗。睇返營養標籤，的而且確比傳統餐肉好一啲，但亦唔係好太多，所以如果以健康角度出發，新餐肉都唔係一個好選擇。新餐肉嘅出現係為咗減少損害生命。當然有人說點解唔正正經經食菜同豆要食假嘅肉，但我想講嘅係呢個世界有一班人好想食少啲肉但做唔到，素玉就係比佢哋一個選擇唔使損害生命，但可以飽口福。而另一點就係方便性，新餐肉、新豬肉、beyond meat、impossible beef等既出現令外出素食多咗選擇，又或者買定返屋企擺雪櫃，可以擺到好耐，唔使好似新鮮蔬菜咁隔兩日又要買。新餐肉嘅早晨套餐同一般嘅早晨套餐就係換咗塊豬柳，其他都冇乜分別，以後素食嘅日子早餐又多咗一個選擇了。如果一舊都唔算係好健康嘅教育嘅出現，可以方便左食素嘅人，又或者令食肉嘅人減少食肉，拯救更多嘅生命，呢個就係佢存在嘅價值。