鹿角巷 (已結業)

Item: 鹿角巷
Rating: 5
Author: jackie.ip.395

The Alley

172 食評

味道

環境

服務

衛生

抵食

1985

旺角

$50以下

台灣菜台式飲品

jackie.ip.395

等級4

223

要遇上一杯自己喜歡嘅珍珠奶茶, 根本就同遇上戀人一樣, 需要緣份同timing嘅配合若果您第1次飲, 經驗不多, 基本上任何一間甚至自己喺屋企自己沖, 你都會覺得好味道假若您已經經驗老到, 處處尋覓, 甚至已經喺台灣飲過至地道至正宗嘅, 會令您留戀嘅...只會係您心入面嘅真愛鹿角巷已經聞名很久, 我亦都想一嚐其味, 感受一下我到底愛與不愛? 6月份我同一班同事去台灣旅行, 喺台中逢甲夜巿巧遇鹿角巷, 我哋雙方亙相一個眼神交流, 二話不說衝咗埋去排隊, 因為大家都明知道尖沙咀分店, 你冇番咁上下耐性同時間你都唔會有機會飲到, 而我哋對珍珠奶茶嘅慾望亦未至於令到我哋甘願付出呢個時間去等待, 大家都心知肚明, 有好多喺香港排到出汁嘅"名牌", 喺發源地根本就係平平無奇, 隨便就可以品嚐得到。但世事往往豈能如願? 我哋就算遇上了, 排到埋去店員已經話珍珠奶茶已經賣光光了......既然仍然未有緣份, 我哋亦都無謂強求直至番到香港, 其實出旺角已經見到鹿角巷正在裝修準備開幕, 心諗: 到時咪又係排排排...... 點知就係一個落雨嘅晚上, 一個充滿人圍住聽"concert"嘅街上,

要遇上一杯自己喜歡嘅珍珠奶茶, 根本就同遇上戀人一樣, 需要緣份同timing嘅配合

若果您第1次飲, 經驗不多, 基本上任何一間甚至自己喺屋企自己沖, 你都會覺得好味道假若您已經經驗老到, 處處尋覓, 甚至已經喺台灣飲過至地道至正宗嘅, 會令您留戀嘅...只會係您心入面嘅真愛鹿角巷已經聞名很久, 我亦都想一嚐其味, 感受一下我到底愛與不愛? 6月份我同一班同事去台灣旅行, 喺台中逢甲夜巿巧遇鹿角巷, 我哋雙方亙相一個眼神交流, 二話不說衝咗埋去排隊, 因為大家都明知道尖沙咀分店, 你冇番咁上下耐性同時間你都唔會有機會飲到, 而我哋對珍珠奶茶嘅慾望亦未至於令到我哋甘願付出呢個時間去等待, 大家都心知肚明, 有好多喺香港排到出汁嘅"名牌", 喺發源地根本就係平平無奇, 隨便就可以品嚐得到。但世事往往豈能如願? 我哋就算遇上了, 排到埋去店員已經話珍珠奶茶已經賣光光了......既然仍然未有緣份, 我哋亦都無謂強求

直至番到香港, 其實出旺角已經見到鹿角巷正在裝修準備開幕, 心諗: 到時咪又係排排排...... 點知就係一個落雨嘅晚上, 一個充滿人圍住聽"concert"嘅街上, 唔知道係唔係人群阻住大家嘅視線...令到冇人知道呢度開咗鹿角巷? 冇理由架喎? 排隊條龍呢? 冇乜人嘅? 乜香港人唔係好鍾意排隊架咩?

就係咁~飛雲嘅機會又嚟喇!!!!!! 由細到大我都係一個喜愛奶類製品嘅人, 反而果汁我不太喜愛, 喺有得揀嘅情況下, 奶類永遠會是首選, 而身邊的他口味就是跟我相反了...haha

所以, 我點咗佢哋嘅招牌黑糖鹿丸, 而佢就點咗焦糖菠蘿, 買完飛之後大家可以企埋一邊等, 裡面空間足夠, 佢牆身上貼心咁為大家安置可以叉電嘅插頭, 你亦都可以將你嘅飲品放在小枱上慢慢selfie. 如果有細心留意過佢哋, 其實不難發現, 鹿角巷同"虜苦糖"都一樣係用日本某牌子嘅鮮牛奶製造。所以黑糖鹿丸奶味濃郁加上口感厚實, 要知道, 想有厚實嘅質感一定要用全脂牛奶先可以做到。另外主要就係同現煮嘅黑糖融合, 達至甜度同奶味濃度配合得剛剛好, 相信店主為咗迎合香港天氣而家太熱, 怕巿民接受唔到走冰嘅溫度, 所以店主都為飲品加上不能更改份量嘅冰, 等啲巿民唔好投訴佢"凍飲"唔夠凍。另外飲品亦不能走甜, 如果閣下身體唔夠健康唔能夠攝取過多糖份的話咁大家自己就要注意喇。至於珍珠方面, 老實講柔軟程度已經很好了, 雖然不是最好, 但已經比起很多其他品牌出色, 值得一讚

至於佢杯焦糖菠蘿又如何呢? 我估唔到呢杯嘅製作時間比黑糖鹿丸仲要耐, 原來係因為店員要將片焦糖菠蘿用火槍燒焦再放入去, 入面果茶亦有其他果肉, 賣相精美, 我家老爺喝過後評分也高, 佢話茶味相當好, 焦糖菠蘿亦燒得啱啱好~滿足!!!

總括嚟講, 鹿角巷也能令我心動, 如果不用排長龍, 即管馬上行動吧。我希望唔會見到再有comment啲人話"個珍珠奶茶都冇茶味囉!", 大佬, 人哋個名度, 邊忽有個茶字呀? 人哋唔係sell茶架, 要飲茶嘅話, 唔該搭飛機去台北再搭貓空纜車上去大把茶你嘆...un唔un?