泰角海南雞 (已結業)

次次去旺角諗唔到食咩都一定會行女人街隔離嘅個條行搵食，今次完全俾門口掛住嘅5隻🐥🐥🐥🐥🐥吸引就入左去試試😁兩個人叫左個二人餐，可以試晒依到出名嘅海南雞同冬陰功肥牛湯麵，重有小食拼盤添~一黎到就有個泰式木瓜沙律，夠曬酸同凍， 木瓜絲同青瓜絲好fresh，令人胃口大開，岩晒咁炎熱嘅天氣😋🐥海南雞好滑，賣相吸引，而且唔會好肥，配上個秘製水門雞醬，令到雞味更香， 甜甜酸酸咁更開胃，加埋粒粒分明嘅油飯， 真係令人食唔停口~🍲 至於冬陰公肥牛湯麵都唔錯，冬陰功味夠濃，而且香口，酸酸辣辣咁，而且份量都好多，又多牛肉有多粉， 最後個湯底係畀我飲曬嘅👍🏻泰式拼盤有春卷、 咖哩角同沙嗲串燒，即叫即整，熱辣辣都幾好食㗎，而且春卷同咖哩角都好夠脆，不過味道偏淡，味道重返啲會好好多~泰角#天天飲食_旺角#天天飲食評分：8/10