影片
更多
2019-05-31
680 瀏覽
行過路過，唔好錯過！之前見無咗舊舖，又連時新個名都唔用得心諗今次真係molamola～點知...終於...原來轉咗名再開返喇！不過真心，個名睇咗好耐先明SHKB1963 = 時新香港漢堡飽 since1963一開頭只見大大個投影”Taste the Difference”真係差啲錯過！好彩八卦望多幾眼，橙橙黃黃嘅檯櫈、紅白雙間嘅Menu再加埋啲舊舖嘅相，肯定無錯喇！但最緊要，都係個味道先斷定到係咪真．時新！同媽媽一人嗌一個飽+半份薯條，馬上驗明正身！媽媽食黑椒雙層漢堡芝士飽，我食沙律汁雙層漢堡芝士蛋飽。可能人唔太多，職員都會親自送餐。首先，拎上手，係熱辣辣㗎，令人好期待！一咬落去，係你喇！係熟悉嘅味道呀！媽媽甚至表示個飽好食過以前，又熱又鬆軟。黑椒汁呢，媽媽就覺得可以再辣多少少；我個沙律汁，就略嫌稀咗啲啲。至於牛肉，無失望！好厚身，好juicy！仲夾雜洋蔥香！邊食邊滴汁真係好正！（放心，個三角袋完全有效令你唔好lea咁hea）至於個+$8嘅半份波浪薯條，份量都比我預期多。不過未夠完善嘅係唔知茄汁唧去邊好～因為托盤無墊紙，亦無任何兜或碟，所以就只能夠直接唧落啲薯條度。新舖乾淨企理、樓底高
之前見無咗舊舖，又連時新個名都唔用得
心諗今次真係molamola～
點知...終於...原來轉咗名再開返喇！
不過真心，個名睇咗好耐先明
SHKB1963 = 時新香港漢堡飽 since1963
一開頭只見大大個投影”Taste the Difference”
真係差啲錯過！
好彩八卦望多幾眼，
橙橙黃黃嘅檯櫈、紅白雙間嘅Menu
再加埋啲舊舖嘅相，肯定無錯喇！
但最緊要，都係個味道先斷定到係咪真．時新！
同媽媽一人嗌一個飽+半份薯條，馬上驗明正身！
媽媽食黑椒雙層漢堡芝士飽，
我食沙律汁雙層漢堡芝士蛋飽。
可能人唔太多，職員都會親自送餐。
雙層漢堡芝士飽（黑椒汁）
$33
29 瀏覽
0 讚好
0 留言
雙層漢堡芝士蛋飽（沙律汁）
$36
27 瀏覽
0 讚好
0 留言
首先，
拎上手，係熱辣辣㗎，令人好期待！
一咬落去，係你喇！係熟悉嘅味道呀！
媽媽甚至表示個飽好食過以前，又熱又鬆軟。
黑椒汁呢，媽媽就覺得可以再辣多少少；
我個沙律汁，就略嫌稀咗啲啲。
至於牛肉，無失望！
好厚身，好juicy！仲夾雜洋蔥香！
邊食邊滴汁真係好正！
（放心，個三角袋完全有效令你唔好lea咁hea）
至於個+$8嘅半份波浪薯條，份量都比我預期多。
薯條（半份）
$8
19 瀏覽
0 讚好
0 留言
不過未夠完善嘅係唔知茄汁唧去邊好～
因為托盤無墊紙，亦無任何兜或碟，
所以就只能夠直接唧落啲薯條度。
新舖乾淨企理、樓底高，好有空間感，坐得舒服。
雖然比以前貴咗，
但係心諗，佢直情就喺間酒店嘅向街地舖，
呢個價錢都已經算好良心街坊價喇～
希望呢個味道可以keep住，長做長有啦！
張貼
