影片
更多
2024-02-05
492 瀏覽
認真！完全冇諗過係屋企附近呢區會搵到可以媲美香港世一煲仔飯嘅舖，仲要間店正職係做串燒，估佢唔到！佢哋嘅燒煲仔飯真係絕頂岀色，即叫即整，上枱熱辣辣岀晒煙，多款配料仼君選擇，今次揀咗排骨滑雞，配有椒絲薑片芹菜，好香！飯焦輕鬆刮到，香口焦脆，仲要冇燶味，餸和飯份量超多（岀名個間通常都食到有少少燶味同埋比較細煲），真係冇得頂，十分滿分！由於小店正職係做串燒，我哋都唔客氣叫到成枱餸！試咗燒秋刀魚，雞脾菇，翠肉瓜，芝士波，煙肉包香腸，豬腩肉，豆腐皮。全部都非常美味，調味係咸甜交融，唔係單一椒鹽/ 孜然味，唔同食材配有唔同味，仲有掃上蜜糖，好有心思。其中我最鍾意係燒豬腩，皮有嚼勁又香脆，仲有黃芥末！另外秋刀魚好新鮮，肉質鮮嫩，配一塊新鮮檸檬，質素同日式居酒屋有得揮。翠玉瓜厚切多汁，雞脾菇調味勁正，豆腐皮超有驚喜：係一塊好特別嘅扁炸豆腐（介乎炸豆腐與豆卜），非常讚！另一驚喜之作：芝士燒茄子！一定要食，係我食過咁多串燒舖最好食嘅一碟燒茄子，芝士同茄子都無限拉絲，配上蒜蓉真係絕妙。好好食，真係推薦！嘢飲仲有得揀減糖C+ lemon, 開心仔。小店係美居中心地下，坐位唔多，十個位鬆啲，加多幾張摺枱，但勝在門
11 瀏覽
0 讚好
0 留言
5 瀏覽
0 讚好
0 留言
6 瀏覽
0 讚好
0 留言
由於小店正職係做串燒，我哋都唔客氣叫到成枱餸！試咗燒秋刀魚，雞脾菇，翠肉瓜，芝士波，煙肉包香腸，豬腩肉，豆腐皮。全部都非常美味，調味係咸甜交融，唔係單一椒鹽/ 孜然味，唔同食材配有唔同味，仲有掃上蜜糖，好有心思。
13 瀏覽
0 讚好
0 留言
3 瀏覽
0 讚好
0 留言
其中我最鍾意係燒豬腩，皮有嚼勁又香脆，仲有黃芥末！另外秋刀魚好新鮮，肉質鮮嫩，配一塊新鮮檸檬，質素同日式居酒屋有得揮。翠玉瓜厚切多汁，雞脾菇調味勁正，豆腐皮超有驚喜：係一塊好特別嘅扁炸豆腐（介乎炸豆腐與豆卜），非常讚！
12 瀏覽
0 讚好
0 留言
2 瀏覽
0 讚好
0 留言
5 瀏覽
0 讚好
0 留言
3 瀏覽
0 讚好
0 留言
另一驚喜之作：芝士燒茄子！一定要食，係我食過咁多串燒舖最好食嘅一碟燒茄子，芝士同茄子都無限拉絲，配上蒜蓉真係絕妙。好好食，真係推薦！嘢飲仲有得揀減糖C+ lemon, 開心仔。
小店係美居中心地下，坐位唔多，十個位鬆啲，加多幾張摺枱，但勝在門口可以泊車！貼心係有免費紙巾。另外仲有麵食同小食，聽到有街坊嗌個生菜魚肉超平，下次下午茶同宵夜都有著落！
張貼
