影片
更多
2022-07-27
712 瀏覽
介紹返💁🏻♀️。。🇺🇸 鋸扒 在鰂魚涌 🇺🇸。犇 Ben’s Deli。鰂魚涌海光街4號地下A號舖。紐西蘭頂級西冷扒 NZ PS Sirloin Steak 8ozLunch Set 餐湯 或 沙律。餐飲。配菜。HKD198 + 10%紐西蘭頂級肉眼扒 NZ Rib Eye Steak 60zLunch Set 餐湯 或 沙律。餐飲。配菜。HKD160 + 10%美國安格斯牛肩扒 USDA Angus Top Blade 6ozLunch Set 餐湯 或 沙律。餐飲。配菜。HKD168 + 10%🤫 又到咗返Office嘅日子.. Happy Friday同兩位同事去食餐好啲嘅獎勵吓自己..(雖然我都成日獎勵自己㗎啦..) 我哋揀咗鰂魚涌鋸扒首選嘅牛牛牛..(其實人哋叫做賓至如歸個賓= 犇)🤫 故仔講太多..講返嘢食先..我哋三個人叫咗三塊唔同嘅扒..我就揀咗中等價錢嘅五成熟牛肩扒配原味薯條..今次師傅好似重手咗..出到嚟有七成咁滯..重點係咁啱我呢一塊扒喺正中間有條筋..所以頭嗰兩啖諗住連埋跟筋食..但係真係咬到牙都軟..最後決定放棄條筋分開啲肉食..成件事就爭好遠..肉質變返軟熟
。
。
🇺🇸 鋸扒 在鰂魚涌 🇺🇸
。犇 Ben’s Deli
。鰂魚涌海光街4號地下A號舖
。
紐西蘭頂級西冷扒 NZ PS Sirloin Steak 8oz
Lunch Set
餐湯 或 沙律。餐飲。配菜
。HKD198 + 10%
紐西蘭頂級肉眼扒 NZ Rib Eye Steak 60z
Lunch Set
餐湯 或 沙律。餐飲。配菜
。HKD160 + 10%
美國安格斯牛肩扒 USDA Angus Top Blade 6oz
Lunch Set
餐湯 或 沙律。餐飲。配菜
。HKD168 + 10%
🤫 又到咗返Office嘅日子.. Happy Friday同兩位同事去食餐好啲嘅獎勵吓自己..(雖然我都成日獎勵自己㗎啦..) 我哋揀咗鰂魚涌鋸扒首選嘅牛牛牛..(其實人哋叫做賓至如歸個賓= 犇)
🤫 故仔講太多..講返嘢食先..我哋三個人叫咗三塊唔同嘅扒..我就揀咗中等價錢嘅五成熟牛肩扒配原味薯條..今次師傅好似重手咗..出到嚟有七成咁滯..重點係咁啱我呢一塊扒喺正中間有條筋..所以頭嗰兩啖諗住連埋跟筋食..但係真係咬到牙都軟..最後決定放棄條筋分開啲肉食..成件事就爭好遠..肉質變返軟熟而且牛肉味都濃
🤫 而同事S就揀咗西冷扒..份量大啲都係五成熟配原味薯條..佢話塊扒非常正..有咬口得嚟一啲都唔韌..點埋佢哋自家製嘅燒烤汁簡直一流
🤫 至於同事D就好健康咁揀咗肉眼扒配火龍果沙律..見到佢啲沙律份量都非常之多..真係健康滿分..而同事D亦都對塊扒相當滿意..肉味重之餘..真係做到五成熟嘅質感..(睇嚟食神淨係冇眷顧我一個..)
🤫 雖則今次我有一個咬到牙都軟嘅經歷..但係其實除咗條筋之外我塊扒都幾好食嘅..所以我唔會將牛牛牛剔除..佢仍然係我喺鰂魚涌最鍾意嘅扒房
🤫 BTW..牛牛牛佢哋個Menu好似變咗..以前Side Dish有得一半沙律一半薯條..而家就冇呢支歌仔唱喇..只係可以Either One..不過價錢就冇乜點變..鋸扒嚟講$200落樓..加上有返咁上下質素都仲係算係性價比嘅..而且本身Lunch Time都有得跟餐湯或者沙律再加埋飲品..都唔錯呀
🤫 爭啲唔記得講埋..當日嘅沙律係蟹子沙律而餐湯係粟米忌廉湯..二選一..然後餐飲方面有得揀比較特別啲嘅紅菜頭蘋果汁..同埋其他果汁或者咖啡檸茶嗰類都有..所以絕對係我心水扒房
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
💮已翻兜次數：3次💮
。。
張貼