影片
更多
2022-10-30
23 瀏覽
介紹返💁🏻♀️。。🇭🇰 茶餐廳 在將軍澳 🇭🇰。四寶食堂 。將軍澳中心1樓137E號舖。每日精選養生燉湯套餐薑蔥炒蟶子 配白飯。HKD98摩登小菜星加坡黑醬油胡椒粉絲大蝦煲 配白飯。HKD108 Additional HK28 跟養生燉湯晚市常餐香煎喜哥蔥油豬扒。嫩滑炒蛋 配脆皮菠蘿油。HKD78馬拉盞炒時蔬。HKD78凍檸茶。HKD21🤫 大家唔好睇我近排成日淨係掛住瘟仔🤪..其實我唔係一個重色輕友嘅人嚟㗎..所以又係約朋友仔食飯嘅時候啦..將軍澳人就梗係喺返將軍澳搵食啦..今次揀嘅係喺將中新開無耐嘅四寶食堂🤫 本身諗住食六點九咁早應該大把位啦..點知竟然都要排兩張枱先到我哋.. 四寶食堂又幾受歡迎喎..埋位坐低之後侍應姐姐就放低一張QR code俾我哋揀嘢食..兩條為食友揀咗薑蔥炒蟶子同粉絲大蝦煲走飯..然後再加一個聽講呢度好出名嘅蔥油豬扒🤫 咁落咗Order冇耐嘢食就逐樣上枱..先嚟兩個是日燉湯..如果我冇估錯嘅話應該係蟲草花瘦肉乜乜湯..燉湯都幾足料喎..勁多蟲草花仲有好多嚿肉..飲落仲相當清甜..似係冇落味精嘅🤫 然後上枱嘅就係薑蔥炒蟶子..離遠已經聞到好香嘅薑蔥味..而且雖
。
。
🇭🇰 茶餐廳 在將軍澳 🇭🇰
。四寶食堂
。將軍澳中心1樓137E號舖
。
每日精選養生燉湯套餐
薑蔥炒蟶子 配白飯
。HKD98
摩登小菜
星加坡黑醬油胡椒粉絲大蝦煲 配白飯
。HKD108
Additional HK28 跟養生燉湯
晚市常餐
香煎喜哥蔥油豬扒。嫩滑炒蛋 配脆皮菠蘿油
。HKD78
馬拉盞炒時蔬
。HKD78
凍檸茶
。HKD21
🤫 大家唔好睇我近排成日淨係掛住瘟仔🤪..其實我唔係一個重色輕友嘅人嚟㗎..所以又係約朋友仔食飯嘅時候啦..將軍澳人就梗係喺返將軍澳搵食啦..今次揀嘅係喺將中新開無耐嘅四寶食堂
🤫 本身諗住食六點九咁早應該大把位啦..點知竟然都要排兩張枱先到我哋.. 四寶食堂又幾受歡迎喎..埋位坐低之後侍應姐姐就放低一張QR code俾我哋揀嘢食..兩條為食友揀咗薑蔥炒蟶子同粉絲大蝦煲走飯..然後再加一個聽講呢度好出名嘅蔥油豬扒
🤫 咁落咗Order冇耐嘢食就逐樣上枱..先嚟兩個是日燉湯..如果我冇估錯嘅話應該係蟲草花瘦肉乜乜湯..燉湯都幾足料喎..勁多蟲草花仲有好多嚿肉..飲落仲相當清甜..似係冇落味精嘅
🤫 然後上枱嘅就係薑蔥炒蟶子..離遠已經聞到好香嘅薑蔥味..而且雖然係蟶子仔..但係份量相當之多..唯一就係煮得有啲太熟未拿捏到適當嘅生熟程度..不過都OK好味嘅
🤫 再之後上枱嘅就係蔥油豬扒炒滑蛋配菠蘿油..見到一大塊牛油就覺得醒神..少少可惜嘅係個菠蘿包只係微溫..如果再熱啲上枱就Prefect啦..不過重點都唔喺呢度..重點係嗰塊超巨大嘅豬扒..真心大塊過我塊面..而且豬扒軟熟一啲都唔靭..加上香濃蔥油..炒滑蛋亦都非常之恰到好處.. 我同朋友仔都非常欣賞
🤫 至於馬拉盞炒時蔬..勝在選擇較多..可以揀白菜仔..油麥菜..芥蘭同埋另外兩種菜..不過我已經唔記得咗係咩啦🤭..除咗選擇多之外..個Menu仲可以揀啲菜要唔要腍啲同埋要唔要走油..呢個選項我覺得非常之貼心..當然蔬菜嘅份量都非常足夠..正常好味啦
🤫 最後上枱嘅就係我哋期待已久嘅胡椒粉絲大蝦煲..雖然煲仔細細..但係都有成三隻大蝦㗎..而且估唔到嘅係無論係大蝦定係粉絲都非常之入味..唔食得辣嘅我都都忍唔住舔舔脷..決定即刻加杯凍檸茶飲下🤪
🤫 以上種種食物嘅介紹之餘..我最想講嘅係呢度嘅服務相當之唔錯..話說我哋本身係坐一張細細嘅二人枱..咁因為我哋叫嘅嘢食太多🤭..侍應姐姐一睇到就即刻幫我哋轉一張大啲嘅枱..都唔使我哋自己開口Request.. 又好老實咁講四寶食堂係一間裝修好靚嘅新式茶餐廳..食物唔錯配以翠華價錢..服務質素絕對係佢哋嘅優勝之處..將軍澳人有福了
🤫 喂..差啲唔記得講..佢哋呢度嘅凍檸茶相當OK喎..我哋一個叫走甜一個叫少甜..兩杯都做到我哋嘅要求..你知啦普通茶餐廳大部份時間都係比唔啱你嘅要求嘅凍檸茶㗎嘛😂
。。
翻兜指數：🙆🏻♀️🙆🏻♀️（5個🙆🏻♀️為翻兜爆燈）
。。
張貼
