影片
更多
2023-01-31
97 瀏覽
介紹返💁🏻♀️。。🇹🇼 邊爐 在將軍澳 🇹🇼。小鍋霸 Little HotPot King。新都城中心2期UG樓UG051F號舖。無限時吃到飽套餐。美國 Prime Grade牛肩胛肉。西班牙無激素豬肉片。HKD298 + 10%。美國Prime Grade極上牛頸脊 及 牛肩胛肉。西班牙伊比利亞黑毛豬 及 無激素豬肉片。HKD398 + 10%。極上Prime Grade霜降牛小排 及 極上牛頸脊 及 牛肩胛肉。西班牙伊比利亞黑毛豬 及 無激素豬肉片。HKD498 + 10%配有 14種火鍋配料。11 種丸類。7種海鮮。 4 種自家製手工餃。3種炸物。3種額外肉類。4 種麵類。20種蔬菜。15款湯底 選擇18種飲品任飲 包括11種台式特飲。Mövenpick 或 其他雪糕一杯* 二人一鍋 / 鴛鴦鍋 Additional HKD48* 七點前離座人頭費8折* 八點半後入座人頭費85折*星期五、六 及 假期前夕 Additional HKD10 @ Head 🤫 2022除夕夜同飯腳仔去咗AKI Hong Kong Staycation度倒數..(好蠢咁掛住拍片..原來一張認真嘅酒店房
。
。
🇹🇼 邊爐 在將軍澳 🇹🇼
。小鍋霸 Little HotPot King
。新都城中心2期UG樓UG051F號舖
。
無限時吃到飽套餐
。美國 Prime Grade牛肩胛肉
。西班牙無激素豬肉片
。HKD298 + 10%
。美國Prime Grade極上牛頸脊 及 牛肩胛肉
。西班牙伊比利亞黑毛豬 及 無激素豬肉片
。HKD398 + 10%
。極上Prime Grade霜降牛小排 及
極上牛頸脊 及 牛肩胛肉
。西班牙伊比利亞黑毛豬 及 無激素豬肉片
。HKD498 + 10%
配有 14種火鍋配料。11 種丸類。7種海鮮。
4 種自家製手工餃。3種炸物。3種額外肉類。
4 種麵類。20種蔬菜。
15款湯底 選擇
18種飲品任飲 包括11種台式特飲。
Mövenpick 或 其他雪糕一杯
* 二人一鍋 / 鴛鴦鍋 Additional HKD48
* 七點前離座人頭費8折
* 八點半後入座人頭費85折
*星期五、六 及 假期前夕
Additional HKD10 @ Head
🤫 2022除夕夜同飯腳仔去咗AKI Hong Kong Staycation度倒數..(好蠢咁掛住拍片..原來一張認真嘅酒店房相都冇🥹..猶疑緊仲好無出Staycation Post..) At This Moment唔好浪費時間..一於介紹咗超性價比嘅一月一號邊爐All You Can Eat先～
🤫 講緊嘅就係香港暫時有兩間分店嘅小鍋霸台式火鍋..開宗明義..大食仔大食女必試..點解? 因為佢係真真正正嘅任食..係冇限時間嘅任食‼️ 夠薑真係可以由佢十二點開舖食到佢夜晚十一點收舖..咁講係咁講啦..邊個會咁痴線先得㗎..好似我哋咁..兩點半鐘左右入座..係咁食係咁食..食到七點前埋單..八折落樓
🤫 瘋狂咁樣HardSell咗一段..係時候講吓啲嘢食啦..話晒我哋都係第一次嚟試..梗係唔夠膽一嘢就轟落去最貴嗰個Set度啦..我哋叫咗佢哋中等價錢..有兩種唔同嘅牛肉再加兩種唔同嘅豬肉..每位加埋四百蚊有找嗰個Set..既然冇揀到最平嗰個餐就梗係要Compare吓佢哋嘅分別先啦..我諗最主要都係嗰個牛肩胛肉同極上牛頸脊嘅分別..兩隻牛我哋都有叫嚟試㗎..食落果然係貴啲嗰隻牛頸脊牛味香濃啲..油脂分布亦都多啲..你睇幅相都識得分邊一隻係貴啲嗰隻..總之係真嘅一分錢一分貨啦..又咁講..平啲嗰隻牛肩胛肉其實都好食嘅..只係我哋個Set包咗更加好就梗係食盡佢啦..我諗我哋夾埋食咗五六盤牛啊🤭..唔知算唔算回到本呢
🤫 講完打邊爐最重要嘅牛之後..第二重要當然係個湯底啦..飯腳仔鍾意食辣..我就唔食得辣..唯有加錢整個鴛鴦鍋..我揀咗唯一一個白色嘅湯底藥膳椰子雞..呢個湯底簡直令我回味無窮..我勁推～佢嘅椰子味超濃厚..侍應姐姐放低個湯嘅時候仲好好心地話我知..因為佢哋個湯底係真係落咗椰漿所以會好多泡泡..如果接受到湯底有泡泡嘅話最好唔好𢳂走佢..又真係留住啲泡泡味道更佳👍🏻..就連唔鍾意椰子味嘅飯腳仔都忍唔住係咁將啲粟米放落去我個湯底度..佢話喺我個湯嗰度烚出嚟嘅粟米味道好鮮甜..好似牛油粟米咁喎(搞到我個湯底最後啲粟米味仲濃過啲椰子味🙄)
🤫 然後飯腳仔就唔小心揀咗佢平時唔會揀嘅麻辣蕃茄雞肉鍋..佢話佢應該指錯咗隔離嗰個..本身係想揀麻辣牛肉喎..又好難得咁樣就算俾佢食到啲蕃茄味佢都接受到喎今次..證明個湯底真係整得唔錯..佢話揀咗最輕嘅麻辣都已經夠刺激..攞嚟淥牛肉真係Perfect喎
🤫 講堅..佢呢度啲配菜真係多到黐線..仲有好多係台式火鍋先有嘅..譬如係台灣鴨血台灣腸..甜不辣三星蔥溶岩漿貢丸同埋流心芋泥貢丸等等..仲有好多特色嘅配料..有四種自家製手工餃子..什麼黑松露芝士豬肉餃..白菜豬肉餃韭菜餃同埋麻辣粟米豬肉餃..今次我真係數唔晒..你哋自己睇吓Menu啦
🤫 好可惜嘅係我哋以上全部都冇試😂..因為我哋醉心於好好味嘅牛同埋非常之新鮮嘅是日海鮮沙白蜆同海蝦..啲蜆隻隻都匙羹咁大隻㗎..仲要勁新鮮甜美㗎..你話點可能唔食多幾轉先..然後隨便叫咗幾塊魚片..質素非常唔錯..至於我好蠢咁樣叫嘅沙茶牛肉..其實都好味嘅..不過有靚牛點解要食滑牛呢🤭
🤫 仲有呀..點估到蔬菜都可以有成廿種咁多先得㗎..平時嗰啲金菇啊娃娃菜唐生菜油麥菜呢啲唔使講啦..佢連蟲草花紫蘿蔔萵筍同羽衣甘藍都有啊..我自己就好鍾意食蟲草花嘅..用椰子湯底嚟淥仲更加好味
🤫 最後呢..甜品就有些少孤寒..一人淨係可以食一個雪糕咋..飯腳仔試咗Kit Kat雪條話好好味..我就揀咗Mövenpick雲呢拿..嗌多罐七喜自製白牛😎..咁就為之大滿足..順帶一提..寶琳嘅呢一間小鍋霸..地方唔係好大㗎咋..而且好似都幾爆㗎..然後啲侍應姐姐嘅服務都非常之好..好多仔細嘅位都會提醒我哋..所以如果真係想嚟試吓嘅話記得打嚟Book位先啦
。。
翻兜指數：🙆🏻♀️🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
