影片
更多
2023-03-04
290 瀏覽
介紹返💁🏻♀️。。🇰🇷 韓式炸雞 在灣仔 🇰🇷。CHIMAC。皇后大道東202號QRE Plaza 2樓2號。韓式收雞盒套餐 Chicken Share Box Set炸雞腿肉 Boneless @ 12pcs 。HKD158 有骨炸雞 Bone-in @ 10 pcs。HKD178包括-韓國原味炸雞 Original @ 5 pcs配 自選一款口味 Your Own Choice @ 5 pcs白洋蔥醬炸雞 White Onion Sauce / 火山醬炸雞 Volcano Spicy Sauce / 蒜頭蜂蜜炸雞 Garlic & Honey / 經典甜辣炸雞 Sweet & Spicy / 蔥蒜醬油炸雞 Soy Garlic /蜂蜜焦糖炸雞 Honey Caramel /洋蔥芝士炸雞 Onion Cheese / 韓式黑炸醬炸雞 Jjajang配 小食兩款 Snacks @ 2牛油粟米 Butter Corn / 香滑薯蓉 Mashed Potato / 炸紫菜卷 Fried Seaweed Roll @ 3 pcs / 炸薯條 French Fries / 魚糕串 Fish
。
。
🇰🇷 韓式炸雞 在灣仔 🇰🇷
。CHIMAC
。皇后大道東202號QRE Plaza 2樓2號
。
韓式收雞盒套餐 Chicken Share Box Set
炸雞腿肉 Boneless @ 12pcs
。HKD158
有骨炸雞 Bone-in @ 10 pcs
。HKD178
包括
-韓國原味炸雞 Original @ 5 pcs
配 自選一款口味 Your Own Choice @ 5 pcs
白洋蔥醬炸雞 White Onion Sauce /
火山醬炸雞 Volcano Spicy Sauce /
蒜頭蜂蜜炸雞 Garlic & Honey /
經典甜辣炸雞 Sweet & Spicy /
蔥蒜醬油炸雞 Soy Garlic /
蜂蜜焦糖炸雞 Honey Caramel /
洋蔥芝士炸雞 Onion Cheese /
韓式黑炸醬炸雞 Jjajang
配 小食兩款 Snacks @ 2
牛油粟米 Butter Corn / 香滑薯蓉 Mashed Potato /
炸紫菜卷 Fried Seaweed Roll @ 3 pcs /
炸薯條 French Fries / 魚糕串 Fish Cake Skewer @ 2 pcs
配 迷你飯兩款 Choices of Mini Bowl @ 2
Chimac紫菜飯 Seaweed Rice /
韓式牛肉飯 Mini Bulgogi Rice /
泡菜豬肉飯 Mini Stir-fried Pork Rice /
韓式粉絲 Mini Japchae / 辣炒年糕 Mini Teokbokki
配 汽水兩罐 Drinks @ 2
🤫 尋日預告咗今日會介紹雞..事緣係朋友仔沈沈突然癮起話要叫雞..我一於帶佢去我近排食過覺得最好食嘅韓式炸雞CHIMAC啦..近近地就揀咗佢哋灣仔新開分店..一於放工過去同佢嘆吓雞吹吓水
🤫 上次喺中環碼頭食CHIMAC..可能佢哋品牌啱啱成立冇耐..嗰陣大部份都要散叫..都冇話咁多種唔同嘅Set俾我哋揀..又冇咁多小食..今次嚟到灣仔呢度見到多咗好多選擇..簡直係眼前一亮
🤫 話晒我都進行緊減食階段🤪 佢哋嗰個乜鬼嘢二人特攻炸雞套餐最啱就係兩條女食..份量啱啱好..我哋就揀咗有骨炸雞..包括原味炸雞五件..再加自選炸雞五件..我就推介沈沈試吓我上次叫過嘅蜂蜜焦糖味..呢個Honey Caramel味真係好香濃..上次食過之後回味無窮..嗰種甜味就好似食緊Garrett嗰隻焦糖Pop Corn咁樣..沈沈都大讚我冇介紹錯
🤫 至於今次第一次食嘅原味炸雞..原汁原味更加可以食得出雞件自帶嘅雞油香..而且每一件雞都好香脆..一啲都唔覺得油膩..沈沈話佢最鍾意就係有得揀帶骨嘅雞件..咁就可以連啲雞軟骨都唔放過..呢啲先至係食雞嘅最高境界喎🤤 雖然我哋點嘅雞雞一鹹一甜一個乾身一個有醬汁..但係佢哋都不約而同雞肉非常之滑溜而且Juicy..真心覺得性價比超高
🤫 然後我哋呢個二人Set仲可以揀兩款小食同兩款迷你嘅主食..我哋就揀咗牛油粟米同埋魚糕串做我哋嘅小食..成餐全部都係肉..嗌返一碗仔粟米食吓..叫做食啲蔬菜..呃吓自己呃吓人..諗唔到佢呢個牛油粟米又真係好重牛油味喎..可惜份量唔算多..有啲到喉唔到肺😂 然後魚糕串好搞笑咁樣已經幫我哋剪到一塊塊正方形細細塊..啱晒我哋呢啲淑女一啖一塊咁樣..咁呢啲魚糕不嬲都冇話好特別嘅味道..正正常常..過吓口癮..懷念一下喺韓國街頭掃街嘅味道
🤫 然後迷你主食我哋就要咗一個牛肉飯同一個韓式炒粉絲..兩碗主食份量唔多..但係個人認為配埋雞件同埋小食之後其實係啱啱好嘅..韓式牛肉非常入味而且軟綿..如果佢俾多啲牛肉汁撈飯就更加開心啦..然後韓式炒粉絲冇令我失望..同其他韓式餐廳一樣質素..唔錯
🤫 成個餐有咁多嘢食之餘都仲包埋一人一罐汽水..我哋兩個都揀咗雪碧..但係其實都有韓國嗰啲忌廉溝鮮奶啊嗰啲汽水揀㗎
🤫 重點係～呢個二人套餐真係好啱我呢啲眼闊肚窄..樣樣都想食樣樣都想試嘅人..樣樣都散叫嘅話就會食唔晒..而家好啦..一個餐全部想試嘅嘢都試暈晒..老老實實呀..兩舊水唔到..有咁多嘢食仲有嘢飲..仲要質素都係中上..係咪抵先(大家有冇發覺近排我經常介紹啲性價比高..甚至乎係真係抵食嘅嘢俾大家呢😂 原因係近排洗咗好多錢喺扮靚嗰度..所以要慳返啲食飯錢..幫補吓家計🤪)
🤫 最後講吓環境..食過CHIMAC兩間分鋪..感覺佢哋行外賣路線為主..所以堂食嘅座位唔算太多..都係十零個位咁樣..雖然話唔係主Sell堂食..但係環境設計都幾靚幾舒服..乾淨企理快餐店形式啦..呢間我推介
。。
翻兜指數：🙆🏻♀️🙆🏻♀️ 🙆🏻♀️（5個🙆🏻♀️為翻兜爆燈）
💮已翻兜次數：2次💮
。。
張貼
