影片
更多
2023-09-08
133 瀏覽
介紹返💁🏻♀️。。🇬🇧 甜品 在大角咀 🇬🇧。Crumbled。鐵樹街7號金旺閣地舖。Crumbled 套餐 。HKD58Set ALOTUS 焦糖餅。LOTUS 焦糖餅碎。焦糖醬。七彩脆麥片。閃粉。黃桃。自家製招牌英倫吉士。招牌 CRUMBLED 脆脆Set EM&M。OREO 餅碎。LOTUS 焦糖餅碎。朱古力醬針筒。黃桃。自家製招牌英倫吉士。招牌 CRUMBLED 脆脆配 冷熱飲品。加 HKD20🤫 上回講到..好兄弟米奇同我補足生日飯..食完好好味嘅Pizza之後又帶我左兜右兜嚟到呢一間粉紅色光掁掁嘅Crumbled😯究竟點解佢男人老狗會識得一間咁少女心嘅甜品舖㗎呢🤭原來佢前排無意之中喺媒體見到介紹Crumbled話係英國過江龍甜品店好似好勁咁..所以帶我嚟試吓喎🤣🤫 咁Crumbled舖頭仔細細嘅..都係嗰種主打外賣嘅甜品店..舖頭入邊有兩張高櫈嘅位置再加一個小小嘅打卡位枱面..的的骰骰咁啦🤫 然後其實佢哋嘅Menu非常之簡單吓嘅..一杯杯嘅Crumbled有六種配搭..我揀嘅Set A係唯一一個冇朱古力嘅配搭..米奇揀咗有M & M嘅Set E..然後我哋仲一人加咗廿蚊要咗
。
。
🇬🇧 甜品 在大角咀 🇬🇧
。Crumbled
。鐵樹街7號金旺閣地舖
。
Crumbled 套餐
。HKD58
Set A
LOTUS 焦糖餅。LOTUS 焦糖餅碎。焦糖醬。
七彩脆麥片。閃粉。黃桃。自家製招牌英倫吉士。
招牌 CRUMBLED 脆脆
Set E
M&M。OREO 餅碎。LOTUS 焦糖餅碎
。朱古力醬針筒。黃桃。自家製招牌英倫吉士。招牌 CRUMBLED 脆脆
配 冷熱飲品
。加 HKD20
🤫 上回講到..好兄弟米奇同我補足生日飯..食完好好味嘅Pizza之後又帶我左兜右兜嚟到呢一間粉紅色光掁掁嘅Crumbled😯究竟點解佢男人老狗會識得一間咁少女心嘅甜品舖㗎呢🤭原來佢前排無意之中喺媒體見到介紹Crumbled話係英國過江龍甜品店好似好勁咁..所以帶我嚟試吓喎🤣
🤫 咁Crumbled舖頭仔細細嘅..都係嗰種主打外賣嘅甜品店..舖頭入邊有兩張高櫈嘅位置再加一個小小嘅打卡位枱面..的的骰骰咁啦
🤫 然後其實佢哋嘅Menu非常之簡單吓嘅..一杯杯嘅Crumbled有六種配搭..我揀嘅Set A係唯一一個冇朱古力嘅配搭..米奇揀咗有M & M嘅Set E..然後我哋仲一人加咗廿蚊要咗杯柚子梳打同埋菠蘿梳打～
🤫 其實所謂嘅Crumbled有啲似Apple Crumble嘅Crumble變奏..好似我嘅Set A為例..除咗七彩繽紛脆米片仲有好多好多嘅Lotus焦糖餅乾碎碎..靚得嚟又有咬口..然後唔少得嘅係佢哋香滑嘅吉士醬..食完返屋企爬吓文先知原來呢個吉士醬大有來頭..話係每日用新鮮牛奶同忌廉製作而成..兼且要恆溫 Keep住喺五六十度以保持吉士醬嘅柔滑口感..係咪睇我形容都知道有幾犀利呢😌
🤫 至於米奇嘅Set E除咗都係有Crumbled嘅名物吉士醬之外仲會有M & M同埋Oreo粒粒.. 而佢嘅獨特之處係在於有一支朱古力醬針筒..成件事超級Fancy😳哎～差啲唔記得提～唔好以為Crumbled杯只係得面頭五花八門嘅粒粒碎碎..其實底部仲有一啲大大粒嘅水蜜桃菠蘿椰果等等嘅雜果粒粒..所以其實佢算係一杯幾飽肚嘅甜品嚟㗎～
🤫 嘢飲方面呢..我哋都揀咗相對普通嘅Soda..而我嘅柚子味梳打喺天藍色㗎～又係打卡一流嘅..味道方面正正常常冇乜特別啦～
🤫 雖說我而家已經去到一定嘅年紀..但係見到咁Bling Bling咁粉嫩嘅甜品杯都忍唔住滴晒啲少女心出嚟瘋狂打卡..鍾意打卡鍾意Barbie系嘅你千祈唔好錯過啊～
。。
翻兜指數： （5個🙆🏻♀️為翻兜爆燈）
。。
張貼
