影片
更多
2023-09-19
326 瀏覽
介紹返💁🏻♀️。。🇭🇰 茶餐廳 在油塘 🇭🇰。老友記廚房 Lo Yau Kee Kitchen 。草園街8號嘉賢居地下6號舖。乾炒牛河。HKD56太極鴛鴦炒飯。HKD72跟餐飲品。HKD3 @ 熱飲。HKD5 @ 凍飲🤫 尋日同波士Online Meeting傾完公司嘢..佢突然問我點解我出咁多嘢食嘅Post但係咁少介紹香港啲茶記😳俾佢咁樣一問..即刻啞咗兩秒然後話佢知唔覺邊度有好好食嘅茶記值得我去試吓..可能佢覺得我大言不慚..即刻就話Lunch Time帶我過油塘嗰度食間好嘢🤔就係咁..明明係WFH嘅呢一日晏晝俾波士夾咗出去食飯🤫 去到油塘地鐵站A出口沿住樓梯行出去..又曬又熱真心攞命..不過應該行咗唔使十分鐘嘅..穿過個公園就嚟到呢一間老友記廚房🤫 卡位坐低之後波士話要試吓間茶餐廳有冇料到就一定要試吓佢哋嘅乾炒牛河..既然係咁..好啦～我就叫一個乾炒牛河啦..然後波士自己就叫咗個鴛鴦炒飯..再一人一杯凍檸茶少甜🤫 茶餐廳真係上菜上得快..講唔夠兩句牛河同炒飯都嚟齊啦..乾炒牛河果然係非常之唔錯..首先唔會話見到有成疊河粉癡住嘅情況出現..仲要係每一條河粉都上晒色嘅..證明真係炒得
。
。
🇭🇰 茶餐廳 在油塘 🇭🇰
。老友記廚房 Lo Yau Kee Kitchen
。草園街8號嘉賢居地下6號舖
。
乾炒牛河
。HKD56
太極鴛鴦炒飯
。HKD72
跟餐飲品
。HKD3 @ 熱飲
。HKD5 @ 凍飲
🤫 尋日同波士Online Meeting傾完公司嘢..佢突然問我點解我出咁多嘢食嘅Post但係咁少介紹香港啲茶記😳俾佢咁樣一問..即刻啞咗兩秒然後話佢知唔覺邊度有好好食嘅茶記值得我去試吓..可能佢覺得我大言不慚..即刻就話Lunch Time帶我過油塘嗰度食間好嘢🤔就係咁..明明係WFH嘅呢一日晏晝俾波士夾咗出去食飯
🤫 去到油塘地鐵站A出口沿住樓梯行出去..又曬又熱真心攞命..不過應該行咗唔使十分鐘嘅..穿過個公園就嚟到呢一間老友記廚房
🤫 卡位坐低之後波士話要試吓間茶餐廳有冇料到就一定要試吓佢哋嘅乾炒牛河..既然係咁..好啦～我就叫一個乾炒牛河啦..然後波士自己就叫咗個鴛鴦炒飯..再一人一杯凍檸茶少甜
🤫 茶餐廳真係上菜上得快..講唔夠兩句牛河同炒飯都嚟齊啦..乾炒牛河果然係非常之唔錯..首先唔會話見到有成疊河粉癡住嘅情況出現..仲要係每一條河粉都上晒色嘅..證明真係炒得夠均勻..芽菜洋蔥大蔥呢啲配料樣樣都有齊而且份量都多..牛肉片Size適中亦都有口感..最緊要係個河粉炒得夠鑊氣..搞到我食得晒成碟..今次真係Fat Fat
🤫 然後波士個鴛鴦炒飯又係冇得彈..紅汁有鮮茄唔係死甜死酸嘅茄汁味..仲有好多雞肉粒粒..我鍾意食嘅白汁唔會太杰身..而且蝦仁翠玉瓜都超多..波士話食呢個炒飯一定要睇吓下邊個炒底夠唔夠乾身..呢個完全可以顯示師傅嘅功架..蛋炒飯呢家嘢易學難精我哋睇電視都知啦🤭
🤫 凍檸茶方面冇乜特別啦..Request嘅少甜做得到..茶膽唔苦..真檸檬🤣
🤫 整體嚟講..嘢食質素相當好..價錢就中位啦..唯一就係距離地鐵站遠些少..不過食好嘢之前做返些少運動都係好事嚟嘅
。。
翻兜指數： 🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
張貼
