何明記麵家餐廳

營業中

休息中

呢朝10點幾嚟到呢間位於元朗阜財街嘅何明記食早餐，餐廳都算大，但幾乎坐滿客，好在我自己一個，都算易揾位。差唔多九成以上都係卡位，都坐得都算舒服。我叫左個大碗河超值餐，揀左炸菜肉絲、煙肉通粉配牛油方飽熱奶茶($31), 方包係凍嘅仲有少少硬，不過熱奶茶就唔錯，茶味同奶茶平分秋色，無姑負茶記奶茶嘅身份。主角炸菜肉絲、煙肉通粉就唔錯，湯底無咩味精味，煙肉非常香口，炸菜爽口得嚟咸甜度適中，整體都幾好味。呢餐通粉同奶茶都唔錯，只係$31，認真抵食。