六合小廚 (已結業)

今天經過尖沙咀行完街，決定在尖沙咀食晚餐，因食厭了尖沙咀各式各樣的多國菜，想反樸歸真食返家常中式小菜。經過一番尋找後，搵到了位於廣東道海威商業中心的六合小廚。呢間餐廳屬於樓上私房菜，空間寬敞，位子多，好快便入座決定食物。菜單上選擇琳琅滿目，有普通碟頭飯，套餐至到小菜配飯。我地當然係決定嗌餸食飯啦，兩個人叫佐兩餸一湯。第一道好快上到既就係豆腐魚頭湯，碗湯夠大碗，落足料，因為魚頭同豆腐熬出黎既關係碗湯奶白色，特別既地方係佢落佐薑，所以唔會飲到有魚腥味，仲有暖胃既效果。欖菜肉碎四季豆係一如既往的送飯首選，惹味的來唔會太鹹，話咁快就送完一碗飯。至於沙拉豬排本來唔係菜單上的選擇，皆因我鍾意食沙拉骨，見到京都豬排後就問佐下老闆可否轉沙拉豬排。老闆爽快地話無問題，不愧為私房菜小廚，難唔倒佢地。整體味道不錯，價錢合理，份量夠大，有機會絕對會回頭再食，適合食厭快餐特色餐，想食會地道中式小菜的人一試。